بيىلعى تۇركىتىلدەس مەملەكەت باسشىلارىنىڭ VI ءسامميتى 2018 جىلدىڭ 3 قىركۇيەگىندە كورشىلەس قىرعىزستاننىڭ چولپون-اتا قالاسىندا وتكەلى وتىر.
اتالعان سامميت بارىسىندا ۇيىمعا توراعالىق ەتۋدى قازاقستاننان قىرعىزستانعا بەرۋ ءراسىمى وتپەك. كۇنى كەشە عانا ءتۇيىنى 20 جىلعا سوزىلعان كاسپي كونۆەنتسياسىن اقتاۋ قالاسىندا شەشكەن قازاقستان كەزەكتى رەت ءساتتى ديپلوماتيالىق قادام جاساپ وتىر.
سامميت قورىتىندىلارى بويىنشا چولپون-اتا دەكلاراتسياسىنا قول قويۋ, سونىمەن قاتار تۇركى كەڭەسىنە مۇشە ەلدەردىڭ باسشىلارىنىڭ بىرقاتار شەشىمدەر قابىلداۋى كۇتىلىپ وتىر. ناقتىلاپ ايتار بولساق, ۇلتتىق سپورت تۇرلەرى مەن جاستار ساياساتىنا ەرەكشە كوڭىل ءبولىنىپ, بۇل ماسەلە كۇن تارتىبىندە تۇر.
ەستەرىڭىزگە سالا كەتسەك, ەڭ ءبىرىنشى سامميت الماتى قالاسىندا «تۇركىتىلدەس ەلدەردىڭ ەكونوميكالىق ىنتىماقتاستىعى» تاقىرىبىندا وتكەن ەدى. سول ۋاقىتتان بەرى اتالعان ۇيىم جاھاندىق ارەنادا ءوزىنىڭ ومىرشەڭدىگىن كورسەتىپ كەلەدى. حالىقارالىق ۇيىم باسشىلىعىنا قازاقستان وكىلىنىڭ قاراستىرىلۋى – ءدال وسىنىڭ ايعاعى.
ولجاس بەركىنباەۆ, ساياساتتانۋشى