قر ۇلتتىق بانكى «استانا بانكىن» بانكتىك جانە وزگە دە وپەراتسيالاردى جۇرگىزۋ ليتسەنزياسىنان ايىردى, دەپ حابارلايدى ۇلتتىق بانك ءباسپاسوز قىزمەتى.
«قر ۇلتتىق بانكى باسقارماسىنىڭ 2018 جىلعى 18 قىركۇيەكتەگى № 214 قاۋلىسىنا سايكەس «استانا بانكى» اق-تى «قازاقستان رەسپۋبليكاسىنداعى بانكتەر جانە بانك قىزمەتى تۋرالى» زاڭنىڭ 48-بابى 1-تارماعىنىڭ ۆ), گ) جانە م-1) تارماقشالارىندا كوزدەلگەن نەگىزدەر بويىنشا تولەم جانە اۋدارۋ وپەراتسيالارى بويىنشا شارتتىق مىندەتتەمەلەرىن جۇيەلى تۇردە, پرۋدەنتسيالىق نورماتيۆتەردى جانە ورىندالۋى مىندەتتى باسقا دا نورمالار مەن ليميتتەردى جۇيەلى تۇردە بۇزعانى, سونداي-اق بانكتىڭ ءىرى قاتىسۋشىسىنىڭ ۋاكىلەتتى ورگاننىڭ ۇستەمە كاپيتالداندىرۋ جونىندەگى تالاپتارىن ورىنداماعانى ءۇشىن بانكتىك جانە وزگە دە وپەراتسيالاردى جۇرگىزۋگە قازاقستان رەسپۋبليكاسىنىڭ ۇلتتىق بانكى بانككە 2015 جىلعى 20 ساۋىردە بەرگەن № 1.1.32 ليتسەنزياسىنان 2018 جىلعى 19 قىركۇيەكتەن باستاپ ايىرۋ تۋرالى شەشىم قابىلداندى», دەلىنگەن حابارلامادا.
بانكتىڭ اكتيۆتەرى مەن مىندەتتەمەلەرىنىڭ بانك سەكتورىنىڭ اكتيۆتەرى مەن مىندەتتەمەلەرىندەگى ۇلەسىنىڭ تومەن بولۋىنا بايلانىستى (1%) بانكتى ليتسەنزيادان ايىرۋدىڭ باسقا قارجى ۇيىمدار ءۇشىن تاۋەكەلدەرى بولمايدى. قازاقستان رەسپۋبليكاسىنىڭ ۇلتتىق بانكى توراعاسىنىڭ 2018 جىلعى 18 قىركۇيەكتەگى № 352 بۇيرىعىمەن ۋاقىتشا اكىمشىلىك تاعايىندالدى, وعان بانكتىڭ بارلىق باسقارۋ ورگانىنىڭ وكىلەتتىكتەرى ءوتتى. بانكتىڭ ۋاقىتشا اكىمشىلىگى ءوز قىزمەتىن بانكتىڭ تاراتۋ كوميسسياسى تاعايىندالعانعا دەيىنگى كەزەڭدە جۇزەگە اسىرادى. ۋاكىلەتتى ورگاننىڭ نورماتيۆتىك قۇقىقتىق اكتىلەرىندە كوزدەلگەن شىعىستارعا, بانككە تۇسكەن اقشانى ەسەپكە الۋعا بايلانىستى جاعدايلاردى قوسپاعاندا, كليەنتتەردىڭ جانە بانكتىڭ ءوزىنىڭ بانكتىك شوتتارى بويىنشا بارلىق وپەراتسيا 2018 جىلعى 19 قىركۇيەكتەن باستاپ توقتاتىلدى.
قازاقستان رەسپۋبليكاسىنىڭ ۇلتتىق بانكى زاڭنامادا بەلگىلەنگەن تارتىپپەن سوتقا بانكتىڭ قىزمەتىن ماجبۇرلەپ توقتاتۋ (تاراتۋ) تۋرالى وتىنىشپەن جۇگىنەدى. سوت بانكتى ماجبۇرلەپ تاراتۋ تۋرالى ءىس قوزعاعان كۇننەن باستاپ بانكتى ۇستاۋعا جۇمسالعان اعىمداعى شىعىستارعا بايلانىستى تالاپتاردى قوسپاعاندا, كرەديتورلاردىڭ بانككە تالاپتارى تاراتۋ ىسىندە عانا ۇسىنىلادى. بانك جەكە تۇلعالاردىڭ دەپوزيتتەرىنە مىندەتتى كەپىلدىك بەرۋ جۇيەسىنىڭ قاتىسۋشىسى بولىپ تابىلادى, سوعان بايلانىستى دەپوزيتورلارعا بەلگىلەنگەن تارتىپپەن كەپىلدىك وتەماقىسى تولەنەتىن بولادى.