«رۋحاني جاڭعىرۋ» باعدارلاماسى ۇلتتىق تاربيە بەرۋدى تالاپ ەتەدى. ۇلتتىق تاربيە جاس ۇرپاققا وتباسى, بالاباقشا, مەكتەپ ارقىلى بەرىلەتىنى انىق. قازىر مەكتەپتەردە اباي مۇرالارىن ناسيحاتتاۋ, جەرگىلىكتى اقىن-جازۋشىلار شىعارمالارى مۇرالارىن وقۋشىعا جەتكىزۋ, بي-شەشەندەردىڭ ناقىل سوزدەرى مەن كۇيشىلىك ونەردى دارىپتەۋگە ارنالعان ساباقتار, قولدانبالى كۋرستار, سىنىپتان تىس جۇمىستار جۇرگىزىلۋدە. ءبىز بۇل قۇندىلىقتاردى وزگەرمەلى زامانعا لايىقتى وقىتىپ, ۇرپاق يگىلىگىنە اينالدىرۋىمىز كەرەك. ءبىلىم بەرۋ سالاسى ۇنەمى ۇلتتىق سيپاتپەن بايىتىلسا, جاس ۇرپاقتىڭ بويىنان ىرگەلى ەل بولۋعا لايىقتى قاسيەتتەر تابىلار ەدى.
وسى ماقساتتاردى جۇزەگە اسىرۋ جولىندا مەكتەپتەگى ءىس-شارالاردىڭ قاتارىنا سىنىپتان تىس ولكەتانۋ ساباقتارىن, قولدانبالى كۋرستاردى اتاۋعا بولادى. ماسەلەن «ماڭعىستاۋ ادەبيەتى», «ماڭعىستاۋ تاريحى», «ماڭعىستاۋ گەوگرافياسى» وقۋلىقتارى وقۋشىلاردىڭ تانىم كوكجيەگىن ارتتىرىپ, جەرگىلىكتى ءوڭىردىڭ قۇندىلىقتارىن ەسكەرۋدى نىعايتا تۇسۋدە. بىلتىر قۇرىلعان «اباي الەمى» كلۋبىندا دانىشپان اقىننىڭ شىعارمالارىن 3 تىلدە وقىپ-ۇيرەنۋ جالعاسۋدا. سونداي-اق بي-شەشەندىك ونەردىڭ قازىرگى ومىرمەن بايلانىستىلىعى دارىپتەلۋدە.
جاڭا عاسىر, جاڭا زاماندا كىم جاقسى جۇمىس ىستەيدى, كىم ماماندىعىن جەتىك مەڭگەرەدى, جاڭالىققا قالاي تەز قول جەتكىزەدى, سونىڭ جولى بولماق. قازىرگى ءبىلىم – ۇلتتىق رۋحاني قۇندىلىقتارعا نەگىزدەلگەن ءبىلىم. سوندىقتان قوعامدىق سانانى جاڭعىرتۋعا باعىتتالعان يدەيا ۋاقىت تالابى مەن ەل دامۋىنىڭ تاريحي كەزەڭىنە ساي شەشىم بولدى.
بۇگىنگى قازاقستان دامۋىنىڭ كەپىلى – ءبىلىم. بۇل تەك ۇلتتىق بىرلىك جاعدايىندا عانا جۇزەگە اسادى. ەلباسى ومىرىمىزگە دەندەپ ەنىپ جاتقان عالامدىق جاڭالىقتارعا دايىن بولۋ كەرەكتىگىن, جايباسارلىقتان ارىلۋ كەرەكتىگىن ايتىپ, ءبىلىم مەن عىلىمدى يگەرۋگە ۇندەپ وتىر. ال ءبىزدىڭ جاستارىمىزدىڭ بىلىمگە دەگەن ۇمتىلىسىن اركەز بايقاۋعا بولادى. ياعني, الەۋەتى مىقتى جاستارعا تەك دۇرىس باعدار كەرەك.
انار تولەۋوۆا,
جالاۋ مىڭباەۆ اتىنداعى مەكتەپ-گيمنازياسىنىڭ قازاق ءتىلى مەن ادەبيەتىنىڭ مۇعالىمى
ماڭعىستاۋ وبلىسى,
تۇپقاراعان اۋدانى