«نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ ارنايى ساپارمەن اتىراۋ وبلىسىنا كەلدى. ساپار بارىسىندا ول باستاۋىش پارتيا ۇيىمدارىنىڭ جانداندىرۋ اياسىندا جاسالىپ جاتقان جۇمىستارمەن, پرەزيدەنتتىڭ بەس الەۋمەتتىك باستاماسىنىڭ جانە جاڭا پارتيالىق جوبالاردىڭ جۇزەگە اسىرىلۋ بارىسىنا باقىلاۋ جۇرگىزىپ, بىرقاتار الەۋمەتتىك نىسانداردى ارالادى.
اعىمداعى جىلدىڭ ماۋسىم ايىندا وتكەن پارتيانىڭ ساياسي كەڭەس وتىرىسىندا پرەزيدەنت باستاۋىش پارتيا ۇيىمدارىنىڭ جۇمىسىن جانداندىرۋدى تاپسىرعان بولاتىن. 2018 جىلعى 1 شىلدەدەگى جاعدايدا بويىنشا رەسپۋبليكامىزدا 1 ملن.-نان استام پارتيا مۇشەلەرىن بىرىكتىرەتىن 6 مىڭعا جۋىق باستاۋىش پارتيا ۇيىمدارى جۇمىس ىستەيدى. پارتيا قۇرىلىمىن جەتىلدىرۋ ماقساتىندا تۇراقتى تۇردە مۇشەلەر سانى از ۇيىمداردى بىرىكتىرۋ ارقىلى بپۇ جەلىسىن وڭتايلاندىرۋ پروتسەسى جۇرگىزىلۋدە. بۇگىنگى كۇنى «نۇر وتان» پارتياسى باستاۋىش پارتيا ۇيىمدارىنىڭ قىزمەتىن جانداندىرۋ تۇجىرىمداماسىنىڭ جوباسى ازىرلەنىپ, ونى جان-جاقتى تالقىلاۋ باستالىپ كەتكەن. شىمكەنت, قاراعاندى, پاۆلودار قالالارىندا 800-گە جۋىق پارتيا مۇشەسىنىڭ باسىن قوسقان «باستاۋىش پارتيا ۇيىمدارىنىڭ» فورۋمدارى ءوتتى. القالى جيىنداردا جاڭا دايارلانعان تۇجىرىمداما جوباسىنا بايلانىستى ايتىلعان پىكىرلەر, ۇسىنىستاردىڭ بارلىعى ىرىكتەلىپ, جىل سوڭىندا استانادا وتەتىن باستاۋىش پارتيا ۇيىمدارىنىڭ رەسپۋبليكالىق فورۋمىندا جاريالاناتىن بولادى.
بپۇ-نىڭ جۇمىسىنا بايلانىستى جاڭاشىلدىقتار تۋرالى «نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ «اتىراۋ مۇناي وڭدەۋ زاۋىتى» باستاۋىش پارتيا ۇيىمىندا وتكەن كەزدەسۋدە ايتتى.
- پارتيانىڭ ىرگە تاسى, باستى كۇشى ول باستاۋىش پارتيا ۇيىمدارى. قازاقستاندى ءۇشىنشى جاڭعىرتۋ اياسىندا ەلباسىنىڭ باستاماسىمەن قولعا العان باعدارلامالىق قۇجاتتاردىڭ, پارتيالىق جوبالاردى جۇزەگە اسىرۋ جولىندا باستاۋىش ۇيىمدارىنىڭ ءرولى ەرەكشە. قازىرگى كۇنى پارتيا قولعا العان: ءىت-سىنىپتار مەن ءىت-ورتالىقتارىن اشۋ, كىتاپحانالاردى, مەكتەپ اسحانالارى مەن سپورت الاڭدارىن جاڭعىرتۋ بويىنشا جوبالاردى حالىق اراسىندا ناسيحاتتاۋ, ءتۇسىندىرۋ جۇمىسىنا بەلسەندى قاتىسۋلارىڭىزدى كۇتەمىز, - دەدى ماۋلەن اشىمباەۆ.
ايتا كەتسەك, مۇناي وڭدەۋ زاۋىتىندا 1 200-گە جۋىق پارتيا مۇشەسى ەڭبەك ەتەدى. زاۋىتتىڭ باستاۋىش پارتيا ۇيىمى 2015 جىلى رەسپۋبليكالىق «ۇزدىك باستاۋىش پارتيا ۇيىمى» بايقاۋىندا 2 ورىندى يەلەنگەن. ەلىمىزدەگى «جاس وتان» جاستار قاناتى مەن قوعامدىق قابىلداۋ ءبولىمىبار جالعىز ۇيىم. بپۇ جانىندا مەملەكەتتىك ءتىلدى تەرەڭدەتە وقىتاتىن ورتالىق تا جۇمىس ىستەيدى.
پرەزيدەنتتىڭ تاپسىرماسىنا سايكەس «نۇر وتان» پارتياسى تاراپىنان «پرەزيدەنتتىڭ بەس الەۋمەتتىك باستاماسىن» ىسكە اسىرۋعا قوعامدىق باقىلاۋدى ۇيىمداستىرۋ ماقساتىندا ورتالىق جانە وڭىرلىك دەڭگەيدە قوعامدىق كەڭەستەر قۇرىلعان بولاتىن. قوعامدىق كەڭەستىڭ قۇرامىندا جەتەكشى ساياسي پارتيالاردىڭ, قازاقستان حالقى اسسەمبلەياسىنىڭ, قازاقستان كاسىپوداقتار فەدەراتسياسىنىڭ, «اتامەكەن» ۇلتتىق كاسىپكەرلەرىنىڭ جانە وڭىرلىك پالاتالارىنىڭ, ەلدەگى ءىرى ۇەۇ-نىڭ باسشىلارى مەن وكىلدەرى, تانىمال بلوگەرلەر, سالالىق ساراپشىلار مەن عالىمدار بار.
«نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ وبلىس ورتالىعىندا ەلباسىنىڭ ءۇشىنشى باستاماسى «جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ, ستۋدەنت جاستاردىڭ جاتاقحاناداعى جاعدايىن جاقسارتۋ» بويىنشا اتىراۋ قالاسىنداعى «دينا نۇرپەيىسوۆا اتىنداعى حالىقتىق مۋزىكا اكادەمياسى» اتىراۋ مۋزىكا كوللەدجىنىڭ جاتاقحاناسىندا بولدى. وقۋ ورنىندا بيىل 4 قاباتتى 100 جاتار ورىنعا ارنالعان جاتاقحانانى قولدانىسقا بەرىلدى.
نىساندى ارالاعان پارتيا توراعاسىنىڭ ءبىرىنشى ورىنباسارى 2018 جىلى «قازترانسويل» كومپانياسىنىڭ باتىس فيليالى حالەل دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنە 700 ورىنعا ارنالعان جاتاقحانا بەرگەنىن اتاپ ءوتتى. جىل سوڭىنا دەيىن قوسىمشا تاعى دا 200 ورىندىق ەكى جاتاقحانا تاپسىرىلادى دەپ جوسپارلانعان.
- جاتاقحانادا ستۋدەنتتەردىڭ الاڭسىز تۇرىپ جانە وقۋى ءۇشىن بارلىق جاعداي جاسالعان. ستۋدەنتتەرمەن, جاس ۇستازدارمەن اڭگىمەلەستىك, ولار جاڭادان بوي كوتەرگەن ستۋدەنتتەر ۇيىنە قولجەتكىزگەنىنە قۋانىشتى. ال, بۇل پرەزيدەنت باعدارلاماسىنىڭ جۇيەلى جۇزەگە اسىپ جاتقانىنىڭ كورسەتكىشى. بەس الەۋمەتتىك باستاما ناقتى xالىقتىڭ الەۋقاتىن كوتەرىپ, وزگەدە الەۋمەتتىك ماسەلەلەردىڭ شەشىم تابۋىنا سەپتىگىن تيگىزۋدە. بۇل باعدارلاما تۇرعىندار تاراپىنان ۇلكەن قولداۋعا يە, - دەدى ماۋلەن اشىمباەۆ.
ەلباسىنىڭ بەس الەۋمەتتىك باستاماسىنىڭ تاعى ءبىرى – شاعىن نەسيە بەرۋدى كوبەيتۋ. وسى باستامانىڭ وبلىستا قالاي جۇزەگە اسىرىلىپ جاتقانىن قاداعالاۋ ءۇشىن ماۋلەن اشىمباەۆ «Caspiy Lana Atyrau» جشس-ءى الاڭىندا ورنالاسقان «باستاۋ بيزنەس» باعدارلاماسى بويىنشا كاسىپكەرلىكتىڭ قىر-سىرىن ۇيرەتەتىن ورتالىقتا بولدى. وسى باعدارلاما بويىنشا 2018 جىلى وبلىستىق بيۋدجەتتەن 2 ملرد. تەڭگە, رەسپۋبليكالىق بيۋدجەتتەن قوسىمشا 589 ملن. تەڭگە بولىنگەن. «باستاۋ بيزنەس» باعدارلاماسى اياسىندا اتىراۋ ايماعىندا 750 ادام ءبىلىمىن جەتىلدىرگەن.
سونداي-اق, ماۋلەن اشىمباەۆ وبلىستىق وڭالتۋ ورتالىعىندا ورنالاسقان «مۇگەدەك الەمى» قوعامدىق بىرلەستىگىنىڭ جۇمىسىمەن تانىستى. 2009 جىلى ىرگەسى قالانعان ورتالىق «ۇزدىك الەۋمەتتىك جوبا» بايقاۋىنىڭ ايماقتىق جەڭىمپازى. ايتا كەتسەك, قوعامدىق بىرلەستىك 2011 جىلى «ينۆاتاكسي» قىزمەتىن قوسقان. 2018 جىلدىڭ 8 ايىندا ينۆاتاكسي 5 مىڭنان استام قىزمەت كورسەتكەن.
ماۋلەن اشىمباەۆ ەلباسىنىڭ تاپسىرماسى بويىنشا بۇل سالادا سوڭعى جىلدارى ەلىمىزدە اۋقىمدى جۇمىستار اتقارىلىپ جاتقانىن, ارنايى باعدارلاما قولعا الىنىپ, مۇمكىندىگى شەكتەۋلى جانداردىڭ مۇددەسىن قورعايتىن زاڭدار قابىلدانعانىن دا اتاپ ءوتتى. الايدا بۇل تەك مەملەكەتتىڭ عانا مىندەتى ەمەستىگىن, وعان بۇكىل قوعامنىڭ ات سالىسۋى ءتيىس ەكەنىن ايتقان «نۇر وتان» پارتياسى توراعاسىنىڭ ءبىرىنشى ورىنباسارى پارتيا تاراپىنان دا ايتارلىقتاي ءىس-شارالار قاراستىرىلعانىنا توقتالدى.
– پارتيا قىزمەتىن جاڭعىرتۋ اياسىندا مۇمكىندىگى شەكتەۋلى جانداردىڭ ءومىر ءسۇرۋ ساپاسىن جاقسارتۋعا باعىتتالعان «كەدەرگىسىز كەلەشەك» پارتيالىق جوباسىن ودان ءارى جانداندىرىپ, تيىمدىلىگىن ارتتىرۋدى قولعا الدىق. بۇل جوبانى جۇزەگە اسىرۋ بارىسىندا ءبىز ناقتى ءتورت باسىمدىقتى انىقتادىق. بىرىنشىدەن, مۇمكىندىگى شەكتەۋلى جاندارعا ارنالعان كەدەرگىسىز ورتا قالىپتاستىرۋ. ەكىنشىدەن, ولاردىڭ ينكليۋزيۆتى ءبىلىم الۋلارىنا ىقپال ەتۋ. ۇشىنشىدەن, جۇمىسقا ورنالاسۋلارىنا قولداۋ كورسەتۋ. تورتىنشىدەن, وسى سالاعا قاتىستى زاڭنامالاردى ودان ءارى جەتىلدىرۋ. وسىلايشا پارتيا قۇر ستاتيستيكا ءۇشىن ەمەس, مۇمكىندىگى شەكتەۋلى جاندارعا ناقتى كومەك كورسەتۋدى كوزدەپ وتىر, – دەدى ماۋلەن اشىمباەۆ.
«نۇر وتان» پارتياسى توراعاسىنىڭ ءبىرىنشى ورىنباسارى اتىراۋ ءبىلىم-يننوۆاتسيا ليتسەي-ينتەرناتى بازاسىندا «بالالارعا ارنالعان تەگىن IT سىنىپتار» پارتيالىق جوباسىن جۇزەگە اسىرۋ ماقساتىندا بوي كوتەرگەن IT سىنىپتى ارالاپ كوردى. ايتا كەتۋ كەرەك, بيىل وڭىردە بۇدان باسقا الەمدىك تالاپتارعا ساي 8 جاستان 16 جاسقا دەيىنگى بالالاردى باعدارلاماۋ جانە روبوتوتەحنيكا نەگىزدەرىنە وقىتاتىن 10 ءىت-سىنىپ اشىلعان. بۇل مەكتەپتەردە 2018 جىلى - 700, 2019 جىلى – 1500, 2020 – 2000 بالانى وقىتۋ جوسپارلانىپ وتىر.
ماۋلەن اشىمباەۆ حالەل دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە اشىلعان ء«ىSpace» كوۆوركينگ ورتالىعىندا دا بولدى. كوۆوركينگ كەڭەستىگى ءبىر ۋاقىتتا 80 رەزيدەنتتى قابىلداۋعا ارنالعان. قازىرگى زامانعى ينفراقۇرىلىممەن جابدىقتالعان. جەكە جۇمىس ورىندارىمەن پىكىر الماسۋ بولمەلەرى, دەمالىس ايماعى بار.
سونىمەن قاتار, ماۋلەن اشىمباەۆ ايماقتاعى پارتيا اكتيۆىمەن كەزدەستى. كەلەلى كەزدەسۋدە پرەزيدەنتتىڭ بەس الەۋمەتتىك باستاماسىنىڭ جانە جاڭا پارتيالىق جوبالاردىڭ جۇزەگە اسىرىلۋ بارىسىنا باقىلاۋ جۇرگىزىپ, اتقارىلعان جۇمىس بارىسى تالقىلاندى.