قىزىلوردا وبلىسىندا ەسكەرتكىشتەردىڭ ينتەراكتيۆتى كارتاسى ازىرلەنىپ جاتىر. بۇل جايىندا وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا وبلىس اكىمىنىڭ ورىنباسارى رۋسلان رۇستەموۆ مالىمدەدى.
«بۇگىندە «تسيفرلىق قازاقستان» باعدارلاماسى بويىنشا 2 جوبا جۇزەگە اسىرىلۋدا. ونىڭ العاشقىسى - «قىزىلوردا وبلىسىنىڭ تاريحي-مادەني مۇرا وبەكتىلەرىنىڭ 3D فورماتتاعى ينتەراكتيۆتى كارتاسىن ازىرلەۋ» جوباسى. ول بويىنشا جۇمىستار مامىر ايىندا باستالدى. قازىرگى تاڭدا دالالىق زەرتتەۋ, ساندىق فورماتتاعى ەسكەرتكىشتەردىڭ ءتۇسىرىلىمى, كارتوگرافيالىق جۇمىستارى جۇرگىزىلۋدە. اتالعان جوبا وسى جىلدىڭ 1 قاراشاسىندا اياقتالماقشى», - دەدى وبلىس اكىمىنىڭ ورىنباسارى ر.رۇستەموۆ.
جوبا تاريحي-مادەني مۇرا وبەكتىلەرىنىڭ 3D فورماتتاعى ينتەراكتيۆتى كارتاسى ەسكەرتكىشتەردى قورعاۋ مەكەمەسىنىڭ رەسمي سايتىندا ورنالاستىرىلادى. سونداي-اق, «قىزىلوردا وبلىسىنىڭ تاريح جانە مادەنيەت ەسكەرتكىشتەرىنە QR-كود ورناتۋ» جوباسى دا 1 قاراشاعا دەيىن تولىق جۇزەگە اسىرىلادى. كەزەڭ-كەزەڭىمەن 150 ەسكەرتكىشكە QR-كود تاقتايشالارى ورناتىلادى.
«تسيفرلىق قازاقستان» باعدارلاماسى اياسىندا بۇگىندە وبلىس كىتاپحانالارىندا 5359 كىتاپ (1 289 377 بەت) تسيفرلى فورماتقا كوشىرىلسە, «ەلەكتروندى ارحيۆ» اقپاراتتىق جۇيەسى بويىنشا 932026 ساقتاۋ بىرلىگىنىڭ 10108 پاراعى ساندىق جۇيەگە ەنگىزىلدى. ارحيۆ قۇجاتتارىنىڭ 92040 ساقتاۋ بىرلىگىنىڭ 12 ملن 189 مىڭ 633 پاراعى تسيفرلىق فورماتقا كوشىرىلىپ, ساقتاندىرۋ قورلارى جاسالدى.
باقتيار تايجان,
«ەگەمەن قازاقستان»
قىزىلوردا وبلىسى