بۇل تۋرالى قۇقىق قورعاۋ ورگاندارى مەن ەرىكتى جاستار پاترۋلدەرى وكىلدەرىنىڭ قاتىسۋىمەن بولعان وڭىرلىك كوممۋنيكاتسيالار قىزمەتىندەگى ءباسپاسوز كونفەرەنتسياسى بارىسىندا اقتوبە وبلىسىنىڭ جاستار ساياساتى ماسەلەلەرى جونىندەگى باسقارماسىنىڭ باسشىسى نۇرلان كۇنتۋوۆ حابارلادى.
«جاساق قوعامدىق ءتارتىپتى نىعايتۋ ماقساتىندا قۇرىلدى. ەرىكتى جاستار ءپاترۋلىنىڭ مۇشەلەرى قۇقىق قورعاۋ ورگاندارىمەن بىرلەسىپ, قۇقىقتىق ءتارتىپتى قورعاۋعا, بۇقارالىق ءىس-شارالاردى وتكىزۋ كەزىندە قوعامدىق ءتارتىپتى قامتاماسىز ەتۋگە قاتىسىپ, بىرقاتار رەيدتەر وتكىزدى», - دەدى نۇرلان كۇنتۋوۆ.
ونىڭ ايتۋىنشا «جاس ساقشى» جاساعىنىڭ قۇرامىنا وبلىستاعى ءتورت جوعارى وقۋ ورنىنىڭ ستۋدەنتتەرى كىرەدى. جوعارى جانە ورتا ارناۋلى وقۋ ورىندارىنىڭ ستۋدەنتتەرىمەن بىرلەسىپ, ولار ستۋدەنتتىك جاتاقحانالارداعى احۋالدى قاداعالايتىن بولادى.