وبلىستىق كاسىپكەرلەر پالاتاسىنىڭ ديرەكتورى تيمۋر ناقىپبەكوۆ پەن «قامقور اۆتوسەرۆيس» سەرىكتەستىگىنىڭ ديرەكتورى ساكەن تاڭىرقۇلوۆ «اتامەكەن-قامقور» شاعىن يندۋستريالىق اۋماقتىڭ جوباسىن ىسكە قوسۋ جونىندەگى مەموراندۋمعا قول قويدى.
وبلىستىق كاسىپكەرلەر پالاتاسى ديرەكتورىنىڭ ايتۋىنشا, شاعىن يندۋستريالىق اۋماق اياسىندا كاسىپكەرلەرگە دايىن وندىرىستىك عيمارات پەن تولىق ينفراقۇرىلىمى بار كەڭسە بولمەلەرى ۇسىنىلادى. مۇنىڭ بارىنە جەڭىلدىك جاسالعان. ەگەر كاسىپكەر ءوز ءوفيسىن, تىگىن تسەحىن, ناۋبايحاناسىن, اۆتوسەرۆيسى مەن وزگە دە ءىسىن اشقىسى كەلسە, شاعىن يندۋستريالىق اۋماق بيزنەستى دامىتۋ ءۇشىن بارىنشا وڭتايلى مۇمكىندىك. بۇل اۋماق قالا شەتىندەگى «كوكشەتاۋ – استانا» كۇرە جولىنىڭ بويىندا ورنالاسقان. جالپى الاڭ 3,5 گەكتاردى, عيماراتتىڭ اۋماعى 4 مىڭ شارشى مەتردى قۇرايدى. شاعىن يندۋستريالىق اۋماقتا دامىعان ينفراقۇرىلىم, تەمىر جول مەن كىرەبەرىس جول بار.
– شاعىن بيزنەس وكىلدەرىنىڭ تسەح پەن وندىرىستىك عيمارات سالۋعا مۇمكىندىكتەرى جوق. ولار بۇل نىسانداردى ۇلكەن كاسىپورىنداردان جالعا الىپ, قولىنداعى قارجىسىن قازىرگى زامانعى قوندىرعىلار ساتىپ الۋعا جۇمسايدى. ءسويتىپ بۇل قولايلى جاعداي شاعىن بيزنەستىڭ دامۋىنا كوپ ىقپالىن تيگىزەدى, دەدى ت.ناقىپبەكوۆ.
شاعىن يندۋستريالىق اۋماقتىڭ قاتىسۋشىلارى وبلىستىق كاسىپكەرلەر پالاتاسىنان كەڭەستىك-قۇقىقتىق كومەك, بيزنەس-ينكۋباتور اياسىندا كاسىپكەرلىككە وقۋ, ءونىمدى ساتۋعا كومەك, جوبالاردى ماركەتينگتىك زەرتتەۋ, اقپاراتتىق جانە ساراپتامالىق رەسۋرستارعا قول جەتكىزۋ ءتارىزدى قىزمەتتىڭ بارلىق ءتۇرىن الا الادى. بۇل جوبانىڭ ەرەكشەلىگى, دامىعان ينفراقۇرىلىمى بار دايىن بولمەنىڭ بارلىعىندا بولىپ وتىر. مۇنىڭ ءبارى كاسىپكەرلەردى ۋاقىت پەن قارجى شىعىنداۋدان بوساتادى.
بايقال ءبايادىل,
«ەگەمەن قازاقستان»
اقمولا وبلىسى