وڭىردە وتكەن پەداگوگتاردىڭ ءداستۇرلى تامىز كەڭەسىندە كوپتەگەن ماسەلەلەر تالقىلاندى.
وبلىس اكىمى پەتروپاۆلدا سوڭعى مەكتەپ وسىدان 11 جىل بۇرىن سالىنعانىن ەسكە سالدى. قازىر وبلىس ورتالىعىندا 1500 ورىنعا شاقتالعان 2 مەكتەپتىڭ قۇرىلىسى باستالدى. وڭىردە تاعى 900 ورىندىق مەكتەپ سالۋ كوزدەلگەن. قىزىلجار اۋدانىنىڭ ورتالىعى بەسكول كەنتىندە ءبىلىم ورداسىن سالۋ جوسپارلانعان. مۇنىڭ بارى–مەملەكەتتىك تىلدەگى ءبىلىم ۇيلەرى. 120 مەكتەپ جوندەلىپ, 4 مىڭ كومپيۋتەر جاڭارتىلماق.
ق. اقساقالوۆتىڭ ايتۋىنشا سوڭعى 5 جىلدا مەكتەپتەردى جوندەۋگە جىلىنا 300 ميلليون تەڭگەدەن ءبولىنىپ كەلگەن. بۇل قارجىعا ءبىلىم وشاقتارىنىڭ تەك 10 پايىزى عانا قالپىنا كەلتىرىلگەن. كەلەسى جىلى بۇل ماقسات ءۇشىن قارجى 10 ەسە كوپ بولىنەتىن بولادى. 2019 جىلى 5 ميلليارد تەڭگەگە 120 مەكتەپ جوندەلەدى. جىل سايىن 300-400 كومپيۋتەر جاڭارتىلسا, كەلەسى جىلى 4 مىڭى ساتىپ الىنادى.
مەكتەپتەردى كەڭ جولاقتى ينتەرنەتپەن قامتاماسىز ەتۋ 86 پايىزدى قۇرايدى. وبلىس اكىمى اۋدان اكىمدەرىنە بۇل كورسەتكىشتى جىل سوڭىنا دەيىن 100 پايىزعا جەتكىزۋدى تاپسىردى.
وبلىستا «ۋاقىتشا وتباسى» اتتى تىڭ جوبا جۇزەگە اسا باستادى. وعان سايكەس تۇرعىندارى از اۋىلداردىڭ بالالارى ء ىرى ەلدى مەكەندەردە تۇراتىن وتباسىلاردىڭ شاڭىراعىندا تۇرىپ, مەكتەپتە ءبىلىم الادى.
كەڭەس سوڭىندا ماراپاتتاۋ ءراسىمى ءوتتى. «ۇزدىك ورتا ءبىلىم بەرۋ ۇيىمى» اتاعىنا ع.مۇسىرەپوۆ اۋدانىنىڭ توقسان بي ورتا مەكتەبى يە بولدى. مەكتەپ ۇجىمىنا ءوڭىر باسشىسى 22 ميلليون تەڭگەنىڭ سەرتيفيكاتىن تابىس ەتتى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى