قاراعاندى – وتانىمىزدىڭ ەڭ باستى ءوندىرىس وشاقتارىنىڭ ءبىرى. كەنشىلەر ەڭبەگى ەلىمىزدىڭ ەكونوميكاسىنا وراسان ۇلەس قوسىپ كەلەدى. ءومىرىن وسى وندىرىسكە ارناعان ەڭبەك ەرلەرى قانشاما. دەسەك تە, ءبىر كەزدە رەكوردتىق جەتىستىكتەرىمەن اتى شىقسا دا, كەيىن ۋاقىت وتە, ەل جادىنان ءوشىپ كەتكەن ەسىمدەر دە جەتەرلىك.
ەلدىڭ بىلەتىنى – كەزىندە شاحتالارعا اتى بەرىلگەن يۆان كوستەنكو, ءتۇسىپ كۇزەمباەۆ ەسىمدەرى عانا. ال ەلەۋسىز قالعان باسقالارى قازىر اتالمايدى دا. ءبىر كەزدە اتاعى دۇرىلدەگەن سوتسياليستىك ەڭبەك ەرى جانسەيىت ءƏبدىراحمانوۆ تا سولاردىڭ ءبىرى ەدى.
جانسەيىت ءƏبدىراحمانوۆ 1900 جىلى قارقارالى اۋدانىندا دۇنيەگە كەلگەن. جاستايىنان جەرگىلىكتى بايدىڭ جالشىسى بولىپ, مال باققان. قازاق اۋىلدارىن ۇجىمداستىرۋ ناۋقانى ءجۇرىپ جاتقان 1929 جىلى ەتى ءتىرى جىگىت سەمەي قالاسىنا بارىپ, بالتاشىلىق كəسىپپەن اينالىسادى. ال 1938 جىلى وتباسىمەن قاراعاندىعا كەلىپ, ەندى سالىنىپ جاتقان «گيگانت» شاحتاسىنا (قازىرگى كوستەنكو اتىنداعى شاحتا) جۇمىسقا ورنالاسقان. بۇل شاحتا, قۇرىلىسى تولىق اياقتالماستان, 1942 جىلى ىسكە قوسىلعاندا جانسەيىت وندىرىستىك ەڭبەكتىڭ بەل ورتاسىندا ءجۇردى.
ۇلى وتان سوعىسىنىڭ اۋىر جىلدارىندا ەلىمىزگە قاراعاندىنىڭ قارا التىنى اۋاداي قاجەت بولعانى بەلگىلى. قيىن-قىستاۋ ۋاقىتتا قاجىرقايراتىمەن, ەڭبەكقورلىعىمەن تانىلعان جانسەيىت كەنشىلەر ۇجىمىنىڭ الدى بولدى, əۋ باستان مەڭگەرگەن تىرەۋشى ماماندىعىنىڭ شەبەرى ەدى. وزىنە جۇكتەلگەن مىندەتتى ءمىنسىز اتقارىپ, جوسپاردى əردايىم اسىرا ورىندادى. سوعىس جىلدارىندا كوستەنكو اتىنداعى شاحتانىڭ كەنشىلەرى 428, 6 مىڭ توننا كومىر ءوندىردى. جانسەيىت ءƏبدىراحمانوۆتىڭ قاجىرلى ەڭبەگى ءəدىل باعالانىپ, كسرو كومىر ونەركəسىبى مينيسترلىگىنىڭ, قازاق كسر جوعارعى كەڭەسىنىڭ قۇرمەت گراموتالارىمەن, «ەرەن ەڭبەگى ءۇشىن» مەدالىمەن ماراپاتتالدى.
1948 جىلدىڭ 28 تامىزىندا كسرو جوعارعى كەڭەسى پرەزيديۋمىنىڭ جارلىعىمەن كومىر ءوندىرۋدى ەسەلەپ ۇلعايتقانى, وندىرىسكە جاڭا وزىق تەحنولوگيالاردى ەنگىزگەنى جəنە ەڭبەك ونىمدىلىگىن بارىنشا ارتتىرعانى ءۇشىن جانسەيىت Əبدىراحمانوۆقا سوتسياليستىك ەڭبەك ەرى اتاعى بەرىلدى. ج.ءƏبدىراحمانوۆ 1957 جىلى زەينەت دەمالىسىنا شىققانشا وسى كوستەنكو اتىنداعى شاحتادا ەڭبەك ەتتى.
ول كىسىنىڭ قولا ءمۇسىنى كەن ورنىنىڭ مۇراجايىندا تۇر. حالىق يگىلىگى جولىنداعى ەڭبەككە, پاتريوتتىق رۋحتاعى تəربيە ءۇشىن وسىنداي جانداردىڭ تۇلعاسىن بۇگىنگى ۇرپاققا ۇلگى ەتۋ اسا ماڭىزدى. كوستەنكو اتىنداعى شاحتانىڭ ۇجىمى قازىرگى ۋاقىتتا بيلىك ورىندارىنا ارنايى ۇسىنىس حات جازىپ, قاراعاندى قالاسىنىڭ ءبىر كوشەسىنە جانسەيىت ءƏبدىراحمانوۆ ەسىمىن بەرۋدى سۇراپ وتىر. وتە ورىندى ۇسىنىس. كەنشىلەر قالاسى مەن كومىر ءوندىرىسىنىڭ وركەندەۋىنە زور ۇلەس قوسقان تۇلعا بۇل قۇرمەتكە əبدەن لايىق دەپ بىلەمىز. جەرگىلىكتى بيلىك پەن ونوماستيكالىق كوميسسيا كەنشىلەر ۇجىمىنىڭ تىلەگىن ورىندايدى دەگەن ۇمىتتەمىز.
قايرات ءابىلدا,
«ەگەمەن قازاقستان»
قاراعاندى