بۇگىن قازاقستان رەسپۋبليكاسى تۇڭعىش پرەزيدەنتى - ەلباسىنىڭ قورىنىڭ ۇيىتقى بولۋىمەن جاس عالىمداردىڭ «Burabay Forum: قازاقستاننىڭ حالىقارالىق ىنتىماقتاستىعى» حالىقارالىق ءفورۋمى وز مارەسىنە جەتەدى.
ەلباسى قورىنىڭ ۇيىتقى بولۋىمەن جاس عالىمداردىڭ «Burabay Forum: قازاقستاننىڭ حالىقارالىق ىنتىماقتاستىعى» حالىقارالىق فورۋمى جوعارى دارەجەدە ءوتتى. 40 جاسقا دەيىنگى 100 جاس عالىم قاتىسقان حالىقارالىق جوبا قازاقستاننىڭ جانە تمد ەلدەرىنىڭ ءوزارا ءىس-قيمىلىن بىرنەشە باعىتتا زەرتتەۋدى ۇيعاردى. بۇل شاراعا قازاقستاننىڭ, رەسەيدىڭ, ليتۆانىڭ, بەلارۋستىڭ, ارمەنيانىڭ, ءازىربايجاننىڭ, وزبەكستاننىڭ, قىرعىزستاننىڭ, تاجىكستاننىڭ فيزيكتەرى, ساياساتتانۋشىلارى مەن ەكونوميستەرى قاتىستى. ولار عىلىم جانە ءبىلىم سالاسىنداعى ترانسشەكارالىق ىنتىماقتاستىق ماسەلەلەرىن تالقىلاپ, ءوزارا تاجىريبە الماستى. داستۇرگە اينالعان بۇل فورۋمنىڭ بيىلعى جىلعى ەرەكشەلىكتەرى مىناداي:
بىرىنشىدەن, جيىننىڭ گەوگرافيالىق اۋقىمى كەڭەيدى. ەكىنشىدەن, فورۋمنىڭ كۇن ءتارتىبى مەن تالقىلاناتىن تاقىرىپتار اياسى ارتتى. سونىمەن قاتار جاس عالىمداردىڭ جيىنىنا مەملەكەتتىك ورگانداردىڭ باسشىلارى دا قاتىسىپ جاتىر. سايكەسىنشە, شارانىڭ ماڭىزى دا ارتقان.
فورۋم بارىسىندا اۋىل شارۋاشىلىعى سالاسىندا تىڭ تەحنولوگيالاردى پايدالانۋ ارقىلى ونىمدىلىكتى ارتتىرۋ ماسەلەسى دە تالقىلاندى. «بۇل رەتتە قازاقستاننىڭ مۇمكىندىگى مول», - دەيدى جاس عالىمدار. ويتكەنى ۇلان بايتاق جەرىمىزدىڭ 50%-ى ەكولوگيالىق تۇرعىدان تازا سانالادى. فورۋمعا قاتىسقان جاستار بىلىكتى بيزنەس ترەنەرلەردىڭ شەبەرلىك سىنىپتارىنا قاتىسىپ, جاڭاشىل جوبالارىن كاسىپتە كادەگە جاراتۋدىڭ جولدارىن مەڭگەرەدى. حالىقارالىق فورۋم قورىتىندىسى بويىنشا ارنايى قارار قابىلدانادى.