قر ۇلتتىق بانكى باسقارماسىنىڭ 30 شىلدەدەگى قاۋلىسىمەن «سالەم» ساقتاندىرۋ كومپانياسىنىڭ ليزەنتسياسى توقتاتىلدى, دەپ حابارلايدى قازاقستان ۇلتتىق بانكىنىڭ ءباسپاسوز قىزمەتى.
«سالەم» ساقتاندىرۋ كومپانياسىنىڭ ليتسەنزياسى بيىلعى 10 تامىزدان باستاپ 2019 جىلدىڭ 10 اقپانىنا دەيىن توقتاتىلادى. وسى ارالىقتا كومپانيا ساقتاندىرۋدىڭ مىندەتتى نىسانىنداعى ساقتاندىرۋ قىزمەتى مەن قايتا ساقتاندىرۋ قىزمەتىن جۇزەگە اسىرا المايدى. اتالعان شەشىم «سالەم» سك» اق قازاقستان رەسپۋبليكاسىنىڭ زاڭناماسىندا بەلگىلەنگەن پرۋدەنتسيالىق نورماتيۆتەردىڭ تالاپتارىن ساقتاماعانى ءۇشىن قر ۇلتتىق بانكىمەن قابىلداندى.
«سالەم» سك» اق- نىڭ ليتسەنزيانىڭ قولدانىلۋىن توقتاتا تۇرۋ مەرزىمى اياقتالعانعا دەيىن قولدانىستاعى ساقتاندىرۋ (قايتا ساقتاندىرۋ) شارتتارىن ۇزارتۋدى جانە ساقتاندىرۋ سىيلىقاقىلارىن, ساقتاندىرۋ (قايتا ساقتاندىرۋ) ۇيىمى جاۋاپكەرشىلىگىنىڭ كولەمىن ۇلعايتۋ كوزدەلەتىن ولاردى وزگەرتۋدى قوسا العاندا, جاڭا ساقتاندىرۋ (قايتا ساقتاندىرۋ) شارتتارىن جاساسۋعا, سونداي-اق ساقتاندىرۋدىڭ (قايتا ساقتاندىرۋدىڭ) مىندەتتى نىسانداعى تۇرلەرى جانە قايتا ساقتاندىرۋ قىزمەتى بويىنشا ساقتاندىرۋ اگەنتى رەتىندە ساقتاندىرۋ دەلدالدىعىن جۇزەگە اسىرۋعا تىيىم سالىنادى. بۇرىن جاسالعان ساقتاندىرۋ (قايتا ساقتاندىرۋ) شارتتارى بويىنشا «سالەم» سك» اق وزىنە قابىلداعان مىندەتتەمەلەردى ورىنداۋعا مىندەتتى.