اقش-تا قازاقستاننىڭ ءۇش ازاماتى "سيرەك كەزدەسەتىن باعالى كولىكتەردى ساتۋدا الاياقتىق جاسادى" دەگەن كۇدىكپەن ۇستالدى, دەپ حابارلادى قازاقستان سىرتقى ىستەر مينيسترلىگىنىڭ ء(سىم) ءباسپاسوز حاتشىسى ايبەك سمادياروۆ.
قازاقستان سىرتقى ىستەر مينيسترلىگىنىڭ ءباسپاسوز حاتشىسى ايبەك سمادياروۆ شىلدەنىڭ سوڭىندا نيۋ-يورك شتاتىندا 25 ادام ۇستالعانىن, ولاردىڭ اراسىندا 1994, 1991 جانە 1970 جىلى تۋعان قازاقستاندىق ءۇش ايەل بار ەكەندىگىن ايتتى. 1970 جىلى تۋعان قازاقستاندىق دەنساۋلىعىنا بايلانىستى ەشقايدا كەتپەۋ تۋرالى قولحاتپەن بوساتىلىپ, ال قالعان ەكەۋى قاماۋعا الىنعان. سونداي-اق, ۇستالعان 25 ادام 4,5 ميلليون دوللار كولەمىندە شىعىن كەلتىردى دەگەن كۇدىككە ىلىنگەن.
سمادياروۆتىڭ ايتۋىنشا, نيۋ-يوركتەگى قازاقستان كونسۋلدىعى قازاقستاندىقتارعا كونسۋلدىق جانە قۇقىقتىق كومەك كورسەتىپ جاتىر.