باتىس قازاقستان وبلىسىنىڭ تاسقالا اۋدانىندا بىرقاتار مەكتەپتىڭ اتاۋى قازاقىلاندى. «بۇل وزگەرىس يدەولوگيالىق تۇرعىدان ەسكىرگەن اتاۋلار مەن قايتالاناتىن اتاۋلاردى تاريحي جەر-سۋ اتاۋلارىنا الماستىرۋ اياسىندا جۇرگىزىلدى» دەيدى وبلىستىق تىلدەردى دامىتۋ باسقارماسىنىڭ باسشىسى ايگۇل مىڭباەۆا.
قازاقستان رەسپۋبليكاسى ۇكىمەتىنىڭ 2018 جىلعى 9 شىلدەدە شىققان №413 قاۋلىسىنا وراي تاسقالا اۋدانىنداعى ۆاۆيلين باستاۋىش مەكتەبى – باستاۋ, جەمشين باستاۋىش مەكتەبى – توعايلى, كرۋتوي نەگىزگى مەكتەبى – ىنتىماق, كۋزنەتسوۆ نەگىزگى مەكتەبى – بىرلىك, رودنيك نەگىزگى مەكتەبى – اينابۇلاق, سەميگلاۆىي مار ورتا مەكتەبى – دوستىق, سوۆحوز مەكتەپ-بالاباقشاسى – اتامەكەن, شيپوۆ ورتا مەكتەبى – مەرەي ورتا مەكتەبى بولىپ قايتا اتالاتىن بولدى.
وسىلايشا, شەكارادا جاتقان ەلدىمەكەندەردىڭ قازاقى بەت-بەينەسى قالپىنا كەلىپ, الداعى جاڭا وقۋ جىلىندا شاكىرتتەر اتاۋى جاڭعىرعان مەكتەپ تابالدىرىعىن اتتايتىن بولدى.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان