شولپان-اتادا ورتالىق ازيا ەلدەرى سىرتقى ساياسي ۆەدومستۆولارى باسشىلارىنىڭ كەزدەسۋى ءوتتى, دەپ حابارلايدى سىرتقى ىستەر مينيسترلىگىنىڭ ءباسپاسوز قىزمەتى.
قازاقستاننىڭ سىرتقى ىستەر ءمينيسترى قايرات ءابدىراحمانوۆ, قىرعىزستاننىڭ سىرتقى ىستەر ءمينيسترى ەرلان ابدىلداەۆ, تاجىكستاننىڭ سىرتقى ىستەر ءمينيسترى سيرودجيددين مۋحريددين, وزبەكستاننىڭ سىرتقى ىستەر ءمينيسترى ابدۋلازيز كاميلوۆ جانە تۇرىكمەنستاننىڭ سىرتقى ىستەر ءمينيسترىنىڭ ورىنباسارى بەردىنياز مياتيەۆ ورتالىق ازياداعى وڭىرلىك ىنتىماقتاستىقتىڭ ماسەلەلەرىن تالقىلادى.
«ورتالىق ازيا مەملەكەتتەرى باسشىلارىنىڭ العاشقى جۇمىس (كونسۋلتاتيۆتىك) كەزدەسۋىنىڭ استاناداعى جەمىستى ءوتۋى وڭىرلىك قاتىناستارداعى جاڭا كەزەڭىنىڭ باستالۋىمەن بەلگىلەيدى. قازاقستاننىڭ پرەزيدەنتى نۇرسۇلتان نازارباەۆ ورتالىق ازيا ەلدەرىنىڭ الەۋەتتەرىن بىرىكتىرۋگە, وڭىرلىك ىشكى ساۋدانى ۇلعايتۋعا, وڭىردەگى قاۋىپسىزدىكتى قامتاماسىز ەتۋگە جانە حالىقتارىمىزدىڭ جاقىنداسۋىنا زور ماڭىز بەرەدى», - دەدى ق.ءابدىراحمانوۆ.
قازاقستاننىڭ ءسىم باسشىسى ءوزىنىڭ سويلەۋىندە سىرتقى ىستەر مينيسترلەرىنىڭ دەڭگەيىندەگى تۇراقتى وتىرىستارى ورتاق پروبلەمالاردى تالقىلاۋ جانە شەشۋ ءۇشىن ءتيىمدى الاڭ بولىپ قىزمەت ەتۋى ءتيىس. استانالىق كەزدەسۋدىڭ قورىتىندى حاتتاماسىن تاجىريبەلى ىسكە اسىرۋعا كىرىسۋدى ۇسىندى.
«ورتالىق ازيا يادرولىق قارۋدان ازات ايماعى بولىپ تابىلادى جانە وڭىرىمىزدە وسى ماسەلەدە كوشباسشىلىقتى وزىنە الۋ مۇمكىندىگى بار. الەمنىڭ بارلىق يادروسىز ايماقتارى اراسىنداعى ىنتىماقتاستىقتى جانداندىرۋىمىز قاجەت», - دەپ مالىمدەدى ق.ءابدىراحمانوۆ. مينيستر يادروسىز ايماقتار ءسامميتىن وتكىزۋ تۋرالى مەملەكەت باسشىسىنىڭ باستاماسى ورتالىق ازيانى يادروسىز ايماقتار اراسىنداعى كووپەراتسيانىڭ وزىنە ءتان وزەگى رەتىندەگى ءرولىن بەكىتۋگە باعىتتالعانىن حابارلادى. قازاقستان بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە وسى ماسەلەنى بۇۇ الاڭىندا ىلگەرىلەتۋگە كۇش سالۋعا دايىندىعىن ءبىلدىردى.
كەزدەسۋ بارىسىندا قازاقستان تاراپى تۇرىكمەنستاننىڭ مەملەكەت باسشىلارى دەڭگەيىندە ورتالىق ازيا جالعىز ينستيتۋتسيونالدىق ديالوگتىق الاڭ بولىپ تابىلاتىن حالىقارالىق ارالدى قۇتقارۋ قورىنىڭ توراعاسى ورنىندا قىزمەتىن قولدادى.
وڭىرلىك قاۋىپسىزدىك جانە ترانسشەكارالىق قاۋىپ-قاتەرلەرگە قارسى بىرلەسكەن كۇرەس ماسەلەلەرى تالقىلاندى. قاتىسۋشىلار ءوڭىر ەلدەرىنىڭ اۋعانستانداعى احۋالدى تۇراقتاندىرۋ بويىنشا ۇلەسىن جانە ورتالىق ازيا ەلدەرىنىڭ اير-مەن ىنتىماقتاستىقتى قۇپتادى. بۇل رەتتە ق.ءابدىراحمانوۆ اعىمداعى جىلى قىركۇيەكتە استانادا «اۋعانستاندا ايەلدەردىڭ قۇقىقتارى مەن مۇمكىندىكتەرىن كەڭەيتۋ» وڭىرلىك كونفەرەنتسياسىن وتكىزۋ ماڭىزدىلىعىن اتاپ ءوتتى جانە 2019 جىلى ەقىۇ جوعارى دەڭگەيدە اۋعانستان بويىنشا كەزدەسۋدى ۇيىمداستىرۋدى ۇسىندى.
سىرتقى ساياسي ۆەدومستۆولارىنىڭ باسشىلارى جالپىوڭىرلىك ماسەلەلەردى شەشۋدە, بەسجاقتى ىنتىماقتاستىقتى نىعايتۋدا ورتاق تاسىلدەردى ازىرلەۋ ءۇشىن وسى فورماتتاعى كەزدەسۋلەردى ۇيىمداستىرۋدىڭ ماڭىزدىلىعى تۋرالى ورتاق پىكىردى ءبىلدىردى.
وڭىرلىك ىقپالداستىقتىڭ كوپتەگەن ماسەلەلەرى بويىنشا ورتالىق ازيا ەلدەرىنىڭ ۇستانىمدارى وتە جاقىن ەكەنى جانە ءوڭىر ەلدەرى ديالوگىن جانداندىرۋ ۇسىنىلعانى اتاپ ءوتىلدى.
مينيسترلەر 2019 جىلى وزبەكستاندا ناۋرىزدىڭ قارساڭىندا ءوتۋى جوسپارلانعان ورتالىق ازيا ەلدەرىنىڭ جوعارىداعى كەلەسى كونسۋلتاتيۆتىك كەزدەسۋدى دايىنداۋ ءۇشىن تۇراقتى بەسجاقتى ءسىم-ارالىق كونسۋلتاتسيالاردى جانە ساراپشىلاردىڭ كەزدەسۋىن وتكىزۋدىڭ قيسىندىلىعىن اتاپ ءوتتى.
ءسىم باسشىلارى قىرعىزستاننىڭ سىرتقى ىستەر ءمينيسترى ە.ابدىلداەۆقا جانە قىرعىز تاراپىنا بەسجاقتى كەزدەسۋدى تابىستى ۇيىمداستىرعاندارى ءۇشىن العىس ءبىلدىردى.
وتىرىستىڭ قورىتىندىسى بويىنشا قاتىسۋشىلار بىرلەسكەن مالىمدەمە قابىلدادى.