عالامات ءىز قالدىرعان قارشاداي ۇل

قايعىدان كوكىرەگى قارس ايىرىلعان قازاقستان حالقى 21 شىلدەدە مەم­لەكەتىمىزدىڭ ماقتانىشى, داڭق­تى سپورتشى, مانەرلەپ سىر­عاناۋ­دان وليم­پيادا جانە الەم چەم­پ­ي­ونات­تا­رى­نىڭ جۇلدەگەرى, ازيا ويىندارى مەن دۇنيە­جۇ­زىلىك ۋنيۆەرسيادانىڭ جە­ڭىمپازى, تۋ­عان ەلىنىڭ ناعىز پاتريوتى دەنيس تەندى اق­تىق ساپارعا شىعارىپ سالدى.

قوشتاسۋ راسىمىنە جۇرتشىلىق تاڭ­عى ساعات 8.30-دان باس­تاپ جينالدى. ۋاقىت وزعان سايىن قوش ايتىسۋعا كەلگەندەر كۇ­رت ارتىپ, اباي داڭعىلى بويىندا سان مىڭ ادام قاز-قاتار تۇردى. ارينە, دەنيس تەندى اقتىق ساپارعا شىعارىپ سا­لۋ­عا وسىنشا كوپ حالىقتىڭ كەلۋى تە­­گىن ەمەس. بالۋان شولاق اتىنداعى سپورت سارايىنا جي­نال­­عاندار اراسىنان تۋ­عان-تۋىستارى مەن ارىپتەستەرى, دوس­تارى مەن جورا-جولداستارىنان بولەك, جو­عارى لاۋازىم يەلەرىن, ونەر مەن قوعام قاي­رات­كەر­لەرىن, سپورت ساڭلاقتارى مەن ەسترادا جۇلدىزدارىن جانە وزگە دە سالا­دا ەڭبەك ەتىپ جۇرگەن تانىمال تۇل­عا­لاردى كوپتەپ كەزىكتىردىك. 

دەنيستىڭ دارا جولى

دەنيس دارا تۋعان ۇل ەدى. جۋىردا عانا 25 جاسقا تولعان ايتۋلى ازاماتتىڭ ەل سپورتىنا سىڭىرگەن ەڭبەگى وراسان زور. بوزبالا شاعىندا-اق دارا تالانتىمەن وق­شاۋ­لانىپ, قاتارىنىڭ الدى بولدى. اتان تۇيەنىڭ جۇگىن ارقالاپ, وتان­دىق مانەرلەپ سىرعاناۋ ونەرىن ورگە سۇي­رەدى. سپورتتىڭ بۇل ءتۇرى ءبىزدىڭ ەلدە ۇزاق ۋاقىت بويى تۇرالاپ قال­عانىن كوزىقاراقتى جانكۇيەرلەر جاقسى بىلۋگە ءتيىس. الەمدىك دودالاردى ايتپاعاندا, قۇرلىقتىق جارىستاردىڭ وزىندە جەر­لەس­تەرىمىزدىڭ وزا شاپقان كەز­دە­رى سيرەك. كوبىنە-كوپ قالىڭ توپتىڭ ارا­سىندا قالىپ قويىپ جۇردىك. سول ولقى­لىقتىڭ ورنىن تولتىرعان دەنيس تەن ەدى. الماتىنىڭ ورەنى بەك­زادا ونەردى جاڭا بيىككە كوتەرىپ, كوز ارباعان بەلەس- تەرگە جەتەلەدى. قازاقستاندا دا مىقتى مانەرلەپ سىر­عا­ناۋشىلاردىڭ بارىنا تورتكۇل دۇ­نيە­نىڭ كوزىن انىق جەتكىزدى.

دەنيس تەننىڭ ءجۇرىپ وتكەن جولى بارشا جانكۇيەرلەردىڭ كوز الدىندا. جاستار بۋىنى اراسىنداعى جارىستاردا جاسىنداي جارقىراپ, ەرەسەكتەر دۋىنا ەركىن قوسىلدى. 12 جاسىندا قازاقستان چەمپيونى اتانىپ, بىلىكتى باپكەرلەردىڭ نازارىن وزىنە اۋدارتتى. 2011 جىلى استانا مەن الماتىدا وتكەن ازيا ويىندارىندا التىن تۇعىرعا كوتەرىلدى. 2013 جىلى لون­دوندا جالاۋى جەلبىرەگەن الەم چەم­پي­وناتىندا كۇمىسپەن كۇپتەلسە, 2015 جىلى شانحايدا قولاعا قول سوزدى. 2014 جىلى سوچيدە الاۋى تۇتانعان وليمپيا ويىن­دارىندا قولا مەدالدى موينىندا جارقىراتتى. 2017 جىلى الماتىدا ۇيىم­داستىرىلعان دۇنيەجۇزىلىك ۋنيۆەر­سي­ادادا باس جۇل­دەنى قانجىعاسىنا بايلادى. سپورتتىق شە­جىرەگە زەر سالساق, قازاق­ستان­­نىڭ بىر­دە-ءبىر مانەرلەپ سىر­عا­­ناۋ­شىسى بۇرىن-سوڭدى بۇل مەجەگە ما­ڭايلاي دا الماعان.

ەلىنىڭ ناعىز پاتريوتى ەدى

ءيا, دەنيس ەلىن سۇيگەن, قازاقستانىن شىن جاقسى كورەتىن, جۇرەگى ىزگىلىككە تو­لى, مىنەزى كوركەم جان بولاتىن. ەڭ جا­قىن دوستارى عانا ەمەس, ءبىر ءسات قانا تىل­دەس­كەن, جۇزدەسكەن كەز كەل­گەن ازامات ونىڭ جايدارى, وتە كىشى­پەيىل, قينالعانعا قول ۇشىن سوزاتىن قايىرىمدى, مەيىرىمدى ازامات ەكەنىن ايتادى. ونىڭ ەشكىمگە دابىرا قىلماي-اق اۋىر ناۋقاسقا ۇشىراعان بالالاردىڭ حال-احۋالىن ءبىلىپ, كوڭىلدەرىن كوتەرىپ, سىي-سياپات جاساپ جۇرەتىنىن تالاي كورگەنبىز.

«دەنيس تەن جانە ونىڭ دوستارى» اتتى مۇزداعى شوۋىنىڭ ءوزى نەگە تۇ­راتىن ەدى. ونىڭ زور قاجىر-قاي­رات جۇمساپ جۇ­زە­گە اسىرعان وسى شوۋى قازاقستاندى الەم­گە تانىتۋ تۇر­عى­سى­نان تۇتاس ءبىر مە­كە­مەلەردىڭ اتقارا ال­ماي­تىن جۇگىن كو­تەردى. الەمنىڭ ەڭ ۇزدىك سپورتشىلارىن مۇ­زاي­­دىنعا جيناۋ ارقىلى جاھان جۇرت­شىلىعىنىڭ نازارىن قازاقستانعا اۋدار­عانى ءوز الدىنا, ەل جاستارىنىڭ مانەر­لەپ سى­ر­عاناۋ سپورتىنا دەگەن قى­زى­عۋ­شىلىعىن وياتىپ, وسى سپورتتىڭ دا­­مۋىنا ولشەۋسىز ۇلەس قوستى. دە­نيس شوۋ­دان تۇسكەن قاراجاتتى دا نە­گى­زىنەن وسى سپورتتى دامىتۋعا جۇم­سا­دى.

مىنە, الەمدىك سپورت تاريحىندا ءوز ورنىن ويىپ تۇرىپ العان وسىنداي كەرەمەت سپورتشى, وتانىن شەكسىز سۇيە­تىن ابزال ازامات قاپيادا قاندىقول قا­راق­شىلاردىڭ قولىنان قازا تاپتى. الماتىنىڭ قاق ورتاسىندا, تاپاداي تال تۇستە كولىكتىڭ اينەگىن ۇرلاۋعا كەل­گەن قارعىس اتقىر قوس جەندەت مەم­لەكەتىمىزدىڭ ماقتانىشىنا اينال­عان ورىمدەي جاستىڭ ءومىرىن قيدى.

نەگە؟ نەلىكتەن بۇلاي بولدى؟ ەڭسە­نى ەزگەن اۋىر قايعىنىڭ استارىندا ار­كىم­نىڭ-اق كوكەيىندە وسى سۇراق تۇر. وكىنىش­كە قاراي, بۇل ساۋالدىڭ جاۋابىن ءبىز بەرە ال­مايمىز.

قارالى جيىندا قازاقستان رەسپۋب­ليكاسى مادەنيەت جانە سپورت ءمينيس­ترى ارىستانبەك مۇحامەدي ۇلى, رەسپۋب­لي­كا­لىق كونكي سپورتى فەدەراتسياسىنىڭ پرەزيدەنتى بولات جامىشەۆ, داڭقتى سپورت­شىلار – جاقسىلىق ۇشكەمپىروۆ پەن سەرىك ساپيەۆ تەبىرەنە ءسوز سويلەدى. اقتىق ساپارعا شىعارىپ سالۋ ءراسىمى اياقتالعاننان كەيىن دەنيس تەننىڭ دەنەسى الماتى قالاسى ماڭىنداعى درۋجبا اۋىلىندا جەر قوينىنا تابىستالدى.

عالىم سۇلەيمەن,

«ەگەمەن قازاقستان»

الماتى