وبلىس وڭىرىندەگى سۋ ايدىندارىندا سوڭعى كۇندەرى ءۇش ادام سۋعا كەتتى. قايعىلى جاعدايدىڭ ورىن الۋ سەبەبى بىردەن تۇسىنىكتى بولعان, ولاردىڭ بارلىعى دا رۇقسات ەتىلمەگەن, قۇتقارۋ قۇرالدارىمەن جابدىقتالماعان جەرلەردە شومىلعان. اجال قۇشقانداردىڭ بىرەۋى ءجاسوسپىرىم, ەكىنشىسى بيىل عانا مەكتەپ بىتىرگەن جىگىت, ءۇشىنشىسى ەرەسەك ادام. بيىل جاز كەش شىقسا دا, شىلدە ايى باستالعالى سۋدا اجال قۇشقان جاعدايلار جيىلەپ كەتتى.
«وبلىس وڭىرىندەگى سۋ ايدىندارىندا 12 توتەنشە جاعداي ورىن الدى, سونىڭ سالدارىنان 12 ادام سۋعا كەتتى. ونىڭ بەسەۋى بالا. بۇل وتكەن جىلدىڭ وسى كەزەڭىمەن سالىستىرعاندا الدەقايدا كوپ. وتكەن جىلى وسى ۋاقىتتا سۋ قۇربانى بولعان 7 ادامنىڭ ۇشەۋى بالالار ەدى», دەدى وبلىستىق توتەنشە جاعدايلار دەپارتامەنتى باستىعىنىڭ مىندەتىن اتقارۋشى رۋسلان ورىنبەكوۆ.
سۋداعى باقىتسىز جاعدايلار كوبىنە دەمالىس كۇندەرى ورىن الادى ەكەن. ويتكەنى ادامدار سۋدا دەمالۋ, شومىلۋ ەرەجەلەرىن بۇزادى. اۋداندار مەن قالالاردا توتەنشە جاعدايلار دەپارتامەنتىنىڭ ماماندارى سۋعا ءتۇسۋ ەرەجەلەرىن ءتۇسىندىرۋ جۇمىستارىن ۇزبەي جۇرگىزەدى, بىراق ادامداردىڭ ونى ەلەمەۋى قايعىلى جاعدايلارعا سوقتىرادى.
ءنازيرا جارىمبەت
«ەگەمەن قازاقستان»
قوستاناي