2018 جىلدىڭ قاڭتار-مامىر ايلارىندا قازاقستاندا 332 908 جەڭىل اۆتوكولىك تىركەلدى. بۇل كورسەتكىش 2017 جىلدىڭ سايكەس ماۋسىمىمەن سالىستىرعاندا 67,9 پايىزعا كوپ, دەپ حابارلايدى ۇلتتىق ەكونوميكا مينيسترلىگىنىڭ ستاتيستيكا كوميتەتى.
ۇستىمىزدەگى جىلدىڭ 1 ماۋسىمىنداعى جاعداي بويىنشا قازاقستاندا تىركەلگەن جەڭىل اۆتوكولىكتەر سانى 3828,9 مىڭ بىرلىكتى قۇرادى.
اتالعان مەرزىمدە 5565 جول-كولىك وقيعالارى تىركەلگەن. بۇل وتكەن جىلمەن سالىستىرعاندا 3 پايىزعا كەم. جول اپاتتارىنان زارداپ شەككەندەر سانى - 7800 ادام.
وسى جىلدىڭ 1 ماۋسىمىندا كولىك قۇرالدارى يەلەرىنىڭ ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋمەن اينالىساتىن ساقتاندىرۋ ۇيىمدارى 10,1 ملرد تەڭگە كولەمىندە 28 032 تولەم جاساعان.