بۇگىن ۇكىمەت ۇيىندە قر پرەمەر-ءمينيسترى باقىتجان ساعىنتاەۆ ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017–2021 جىلدارعا ارنالعان باعدارلاماسى اياسىندا شاعىن نەسيە بەرۋ ماسەلەسى جونىندە كەڭەس وتكىزدى.
كەڭەس بارىسىندا ەلدەگى شاعىن نەسيە بەرۋ نارىعىنىڭ الداعى دامۋى, جەڭىلدىكپەن شاعىن نەسيە بەرۋدىڭ ينفراقۇرىلىمىن قۇرۋ, اۋىلدىق ەلدى مەكەندەردە جانە شاعىن قالالاردا شاعىن نەسيە بەرۋگە جاعداي جاساۋ ماسەلەلەرى تالقىلانىپ, وسى جىلدىڭ التى ايى ىشىندە ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017–2021 جىلدارعا ارنالعان باعدارلاماسىنىڭ جۇزەگە اسىرىلۋى بويىنشا قول جەتكىزىلگەن ناتيجەلەر تالقىلاندى.
كەڭەستە قر ۇلتتىق ەكونوميكا ءمينيسترى ت. سۇلەيمەنوۆ, قر ەڭبەك جانە حالىقتى الەۋمەتتىك قورعاۋ ءمينيسترى م. ابىلقاسىموۆا جانە قر اۋىل شارۋاشىلىعىنىڭ ءبىرىنشى ۆيتسە-ءمينيسترى ا. ەۆنيەۆ بايانداما جاسادى.
ەسكە سالا كەتەيىك, ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017–2021 جىلدارعا ارنالعان باعدارلاماسىنا سايكەس, شاعىن بيزنەستى اشۋعا, شاعىن كاسىپورىنداردى جانە زاكىرلى كووپەراتسيالاردى قۇرۋعا, سونداي-اق, ارەكەتتەگى بيزنەستى دامىتۋ ءۇشىن سىياقى مولشەرلەمەسى 6 پايىز كولەمىندە 7 جىلعا دەيىن نەسيە بەرىلەدى.
باعدارلامانى جۇزەگە اسىرۋ ناتيجەسىندە 22 مىڭ شاعىن بيزنەس وكىلدەرى, ءوزىن-ءوزى جۇمىسپەن قامتىعان حالىق قولداۋ تاۋىپ, بيۋدجەتكە تۇسەتىن سالىقتىق اۋدارىمدار كولەمى ارتادى, جاڭا جۇمىس ورىندارى اشىلادى.