وڭىرگە كەلگەن جۇمىس ساپارى اياسىندا مەيرام پىشەمباەۆ, البەرت راۋ, الەكساندر سۋسلوۆ, ايگۇل نۇركينا, ايزادا قۇرمانوۆا مەن انار جايىلعانوۆا «قازاقستان ءاليۋمينيى» اق-نىڭ وندىرىستىك تسەحتارىنا باردى.
ماجىلىسمەندەر كاسىپورىننىڭ ەڭبەك ۇجىمىمەن كەزدەستى. زاۋىت ديرەكتورى رافاەل قادىروۆ جالپى, كاسىپورىن جۇمىسىمەن, اتقارىلعان جۇمىستار بارىسىمەن تانىستىردى.
«اليۋميني زاۋىتى قۋاتتى كاسىپورنى. ەلىمىزدە عانا ەمەس, شەتەلدە دە سۇرانىسقا يە ءونىم شىعاراتىن الىپ ءوندىرىس ورنى. ءبىز جاڭا تەحنولوگيالاردىڭ جۇمىس جاساپ جاتقانىن كوردىك. تسيفرلاندىرۋ جۇزەگە اسىرىلۋدا. كاسىپورىن ەل ەكونوميكاسىنىڭ وركەندەۋىنە ۇلەس قوسۋدا. اينالاسىندا كىشى جانە ورتا كاسىپكەرلىك تە جەتىلۋى ءتيىس», - دەيدى مەيرام پىشەمباەۆ.
بۇدان ارى قاراي ساپار اقسۋدا جالعاستى. ماجىلىسمەندەر اقسۋ فەرروقورىتپا زاۋىتىندا دا كاسىپورىن جۇمىسشىلارىمەن كەزدەستى. اشىق اڭگىمە بارىسىندا ەسكى قالاداعى تۇرعىن ۇيلەردى قالاداعى ورتالىقتاندىرعان جىلۋ قۇبىرىنا قوسۋ ماسەلەسى ايتىلدى.
– كۇنى بۇگىنگە دەيىن پەش جاعۋعا ءماجبۇرمىز, - دەدى ەسكى قالا اۋماعىندا تۇراتىن زاۋىت جۇمىسشىلارى.
سونىمەن بىرگە دەپۋتاتتار قالاداعى «قازرۋدپروم» جشس شلاكتى بايىتۋ كاسىپورنى, كوۆوركينگ-ورتالىق, بالالار ەكو-تەح ورتالىعىندا بولىپ قالالىق ىشكى ىستەر ءبولىمىنىڭ قىزمەتكەرلەرىمەن كەزدەسۋ وتكىزدى.
فاريدا بىقاي
«ەگەمەن قازاقستان»
پاۆلودار
سۋرەتتى تۇسىرگەن: ايبەك جۇماتوۆ