جەزقازعانداعى جىلۋ ەلەكتر ورتالىعىندا تاۋەلسىزدىك العالى بەرگى تاريحتا العاش رەت قۋاتتىلىعى 50 مۆت №8 جاڭا تۋربينا ىسكە قوسىلدى. ول قالا تۇرعىندارىن قاجەتتى جىلۋ ەنەرگياسىمەن قامتاماسىز ەتىپ, ستانسانىڭ جۇمىس تيىمدىلىگى مەن سەنىمدىلىگىن جوعارىلاتۋعا مۇمكىندىك بەرەدى.
ت-50/60-8,8 جاڭا جىلىتۋ تۋربيناسىن ورناتۋ جۇمىستارى 2015 جىلى باستالعان. ونى ىسكە قوسۋ ستانسانىڭ بەكىتىلگەن ەلەكتر قۋاتىن 252 مۆت, بەكىتىلگەن جىلىتۋ قۋاتىن 564 گكال/ساع دەيىن ۇلعايتۋعا مۇمكىندىك بەرەدى.
وسىعان دەيىن جەو-دا تەك نەگىزگى جانە قوسىمشا قۇرىلعىلاردى اۋىستىرۋ جانە قالپىنا كەلتىرۋ بويىنشا جۇمىستار جۇرگىزىلگەن. ستانسانى كەڭەيتۋ, №8 جاڭا تۋربواگرەگاتتى قۇرۋ كاسىپورىننىڭ قالپىنا كەلتىرۋ جانە تەحنيكالىق قايتا جابدىقتاۋ ينۆەستيتسيالىق باعدارلاماسىن جۇزەگە اسىرۋدىڭ ارقاسىندا مۇمكىن بولدى.
ول ستانسانىڭ سەنىمدىلىگى مەن جۇمىس تيىمدىلىگىن جوعارىلاتىپ قانا قويماي, سونىمەن قاتار تۋربوقۇرىلعىلاردىڭ جالپى توزۋىن تومەندەتۋگە مۇمكىندىك بەرەدى, سونداي-اق جەزقازعان ءوڭىرىن تۇراقتى ەلەكتر قۋاتىمەن قامتيتىن بولادى.
جاڭا تۋربواگرەگاتتى ىسكە قوسۋ شاراسىنا قاراعاندى وبلىسى اكىمىنىڭ ورىنباسارى اناتولي شكارۋپا مەن جەزقازعان قالاسىنىڭ اكىمى قايرات بەگىموۆ قاتىستى.
قايرات ءابىلدا, «ەگەمەن قازاقستان»
قاراعاندى وبلىسى,
جەزقازعان قالاسى