اۋديتورلار استانادا باس قوستى

جاپونيانىڭ جوعارى مەملەكەتتىك اۋديت ورگانى – ASOSAI (ازيا جوعارى مەملەكەتتىك اۋديت ورگان­دارىنىڭ ۇيىمى) اكىمشىلىگىنىڭ قولداۋىمەن قازاقستان رەسپۋبليكاسىنىڭ ەسەپ كوميتەتى ۇيىمداستىرعان سەمينار 13 شىلدەگە دەيىن جالعاسادى.

ءىس-شاراعا قاتىسۋ ءۇشىن استاناعا اSOSAI-عا مۇشە 29 مەملەكەتتىڭ جوعارى اۋديت  ورگاندارىنىڭ وكىلدەرى كەلدى. ال سەميناردى ەسەپ كوميتەتىنىڭ ءتورايىمى ناتاليا گودۋنوۆا كىرىسپە ءسوز سويلەپ اشتى.

قازاقستاننىڭ جوعارى مەملەكەتتىك اۋديت ورگانىنىڭ باسشىسى قاتىسۋشىلارعا جەمىستى جۇمىس تىلەي وتىرىپ, ءتۇرلى ەلدەردىڭ ماماندارىنا مەملەكەتتىك اۋديت سالاسىنداعى ەڭ ماڭىزدى ماسەلەلەر بويىنشا تاجىريبە مەن پىكىر الماسۋعا مۇمكىندىك بەرەتىن وسىنداي كەڭ اۋقىمدى كەزدەسۋلەر وتكىزۋدىڭ ماڭىزىن اتادى.

قوعامدى, سونىڭ ىشىندە مەملەكەتتىك باسقارۋ, ەكونوميكا, Iت ءاۋديتى ورگاندارىن تسيفرلاندىرۋ جاعدايىندا جانە ءاۋديتتى جۇرگىزۋ بارىسىندا تىكەلەي اقپاراتتىق تەحنولوگيالاردى قولدانۋ كۇننەن-كۇنگە وزەكتى بولىپ وتىرعانى باسا ايتىلدى.

«وسىعان بايلانىستى اقپاراتتىق جۇيەلەر مەن ولار­دىڭ دامۋىنا سالىنعان قاراجاتتىڭ تيىمدىلىگىن باعالاۋ قا­جەتتىگى تۋىندادى. سايكەسىنشە, اقپاراتتىق تەح­نو­لو­گيالاردى ەنگىزۋ مەن دامىتۋعا باعىتتالعان مەملە­كەتتىك باعدالامالاردىڭ ىسكە اسىرىلۋىندا مەملەكەت­تىك اۋديت جۇرگىزۋدىڭ ءرولى ارتا تۇسەدى», دەدى ناتاليا گودۋنوۆا. 

ASOSAI – ءوزىنىڭ قۇرامىندا ازيا جانە تىنىق مۇحيتى ءوڭىرىنىڭ 46 ەلىنىڭ جوعارى قارجىلىق باقىلاۋ ورگاندارىن بىرىكتىرەتىن ۇيىم. 1979 جىلى قۇرىلعان. ASOSAI-دىڭ جوعارى ورگانى 3 جىلدا ءبىر رەت وتكىزىلەتىن اسسامبلەيا بولىپ تابىلادى. ەسەپ كوميتەتى ASOSAI-عا 2000 جىلدان بەرى مۇشە.

«ەگەمەن-اقپارات»