كەشە پارلامەنت سەناتىندا وتكەن قازاقستان رەسپۋبليكاسى تاۋەلسىزدىگىنىڭ 20 جىلدىعىنا ارنالعان سالتاناتتى جينالىستا مەملەكەت باسشىسىنا «ەلباسى» توسبەلگىسى تاپسىرىلدى.
تۇڭعىش پرەزيدەنت – ەلباسى نۇرسۇلتان نازارباەۆتى ايرىقشا ۇلگىدەگى «ەلباسى» بەلگىسىمەن ماراپاتتاۋ تۋرالى قاۋلىنى سەناتورلار ءبىراۋىزدان قولدادى.
سەنات توراعاسى قايرات ءمامي اتاپ وتكەندەي, دەپۋتاتتار مۇنداي شەشىمدى قابىلداۋ ارقىلى مەملەكەت باسشىسىنىڭ تاۋەلسىز قازاقستاندى قالىپتاستىرۋداعى جانە دامىتۋداعى وراسان رولىنە تاريحي باعاسىن بەردى.
پرەزيدەنت سەناتورلارعا اتالعان باستامالارى ءۇشىن ريزاشىلىعىن ءبىلدىرىپ, پارلامەنتتىڭ قازاقستاننىڭ مەملەكەتتىلىگىن نىعايتۋعا ۇلكەن ۇلەس قوسقانىن اتاپ ءوتتى.
– تاۋەلسىزدىكتىڭ 20 جىلى ىشىندە پارلامەنت دەپۋتاتتارى ەلدىڭ, ەكونوميكا مەن قوعامنىڭ يگىلىگى ءۇشىن ۇلكەن جۇمىستار اتقاردى. ءبىزدىڭ ەلىمىز بيلىكتىڭ بارلىق تارماعىنىڭ ءتيىمدى ءوزارا ءىس-قيمىلىنىڭ ارقاسىندا بارلىق اۋىرتپالىقتار مەن قيىنشىلىقتاردى ەڭسەرە ءبىلدى, – دەدى نۇرسۇلتان نازارباەۆ.