وبلىس اكىمى دانيال احمەتوۆتىڭ تاپسىرماسى بويىنشا «2018-2020 جىلدارعا ارنالعان مەنىڭ اۋلام» باعدارلاماسى سەمەي بويىنشا قابىلداندى. بيىل كوپ قاباتتى تۇرعىن ۇيلەردىڭ ماڭىنداعى ون ەكى اۋلانى اباتتاندىرۋعا قالالىق بيۋدجەتتەن 611 ميلليون تەڭگە بولىنگەن.
-سەمەيدىڭ كوشەلەرىن جانە اۋلالاردى ابباتتاندىرىپ, گۇلدەندىرىپ, كورىكتەندىرۋگە قالالىق بيۋدجەتتەن 1 ميليارد 196 ميلليون تەڭگە ءبولىندى,-دەدى قالا اكىمى ەرماك بيداحمەت ۇلى,-بۇل جۇمىستى كۇن سايىن قاداعالاپ وتىرمىز. سالاۋاتتى ءومىر سالتىن قالىپتاستىرۋ ءۇشىن قالانىڭ ءار جەرلەرىندە 11 سپورتتىق الاڭ سالىنۋ جوسپارلانعان.وعان 90 ميللون تەڭگە قاراجات بەرلدى. اسىرەسە قالا تۇرعىندارى اراسىندا قولداۋ تاپقان اباي الاڭىن جوندەۋگە 87 ميلليون تەڭگە ءبولىنۋى وتە قۇپتارلىق بولدى.
قالا كوشەلەرىن كۇردەلى جانە اعىمداعى جوندەۋگە وسى جىلعا 2 ميليارد 235 ميلليون تەڭگە ءبولىندى. جىل سايىن قالا كوشەلەرىنىڭ جوندەلۋى تۇرعىندار تاراپىنان قولداۋ تاۋىپ وتىر.
سەمەي قالاسى اكىمىنىڭ ءباسپاسوز ءماسليحاتى بارىسىندا تاراتقان دەرەكتەرىنە سۇيەنسەك, ماسەلەن, كوپتەگەن جىلدارى بويى جوندەلمەگەن اسەت نايمانبەۆ كوشەسى اعىمداعى جوندەۋدەن وتۋدە. سونىمەن قاتار اۆتوكولىكتەر كوپ جۇرەتىن تاڭىربەرگەنوۆ, تيتوۆا, ورماندى, قابانباي باتىر, ايماۋىتوۆ تاعى باسقا كوشەلەر جوندەلۋدە. قازىرگى ۋاقىتتا 36 كوشە جولدارى اعىمداعى جوندەۋدەن ءوتتى.
جالپى كەزدەسۋ بارىسىندا قالا اكىمى جۋرناليستەردىڭ قويعان بارلىق ساۋالدارىنا جاۋاپ بەرىپ, جىل باسىنان بەرى قالانىڭ ەكونوميكالىق دامۋىندا وڭ وزگەرىستەر قالىپتاسىپ وتىرعاندىعىن ايتتى, كەيبىر ساۋالداردىڭ جاۋابىن جۋرناليستەرمەن بىرگە قاراستىراتىندىعىن جەتكىزدى. ماسەلەن, الداعى ۋاقىتتا اۆتوبۋس قوزعالىسى, جەر استى جولدارىنىڭ تازالىعى بىرىگىپ شىققان رەيدتەردە قاراستىرىلماق.
راۋشان نۇعمانبەكوۆا,
سۋرەتتەر اۆتوردىكى.
سەمەي