پارلامەنت سەناتىنىڭ توراعاسى قاسىم-جومارت توقاەۆ حالىقارالىق قىزىل كرەست كوميتەتى ايماقتىق وكىلدىگىنىڭ باسشىسى جان-جەروم كاسابيانكانى قابىلدادى. ول توراعانى بىرلەسكەن گۋمانيتارلىق جوبالاردى ىسكە اسىرۋ تۋرالى حاباردار ەتتى.
ق. توقاەۆ حالىقارالىق قىزىل كرەست كوميتەتىنىڭ قىزمەتىن قولدايتىنى تۋرالى ايتا كەلىپ, ۇيىمنىڭ ءتۇرلى ەلدەرگە بىتىمگەرشىلىك كۇش-جىگەر قوسۋداعى ۇلەسىن جوعارى باعالادى. ونىڭ ايتۋىنشا, قازاقستان وسى اۋقىمدى باعىت بويىنشا ءوزارا ءىس-قيمىلدى ۇلعايتۋعا ءازىر.
ج. كاسابيانكا يادرولىق قارۋسىزدانۋعا, تەكەتىرەستەردى بولدىرماۋ جانە اۋعانستان مەن سيرياداعى بەيبىتشىلىك پەن قاۋىپسىزدىكتى قامتاماسىز ەتۋگە باعىتتالعان قازاقستاننىڭ سىرتقى ساياسي باستامالارىنا جوعارى باعا بەردى. حالىقارالىق قىزىل كرەست كوميتەتى ايماقتىق وكىلدىگىنىڭ باسشىسى قازاقستاننىڭ بۇۇ قاۋىپسىزدىك كەڭەسىندەگى بەلسەندى قىزمەتىن اتاپ ءوتتى.
ج. كاسابيانكا سونىمەن قاتار تاياۋ شىعىستاعى گۋمانيتارلىق جاعدايلار جونىندە استانادا قورعانىس جانە سىرتقى ىستەر مينيسترلىكتەرىنىڭ وكىلدەرىنە ارنالعان بريفينگ ءوتىپ جاتقانى تۋرالى دا حاباردار ەتتى. بۇل تاقىرىپ بۇۇ ميسسياسىنا قاتىسۋ ءۇشىن قازاقستاننىڭ بىتىمگەرشىلىك كۇشتەرىن ليۆانعا جىبەرۋىنە بايلانىستى شەشىمى تۇرعىسىندا اسا ماڭىزدى بولىپ وتىر. ق.توقاەۆتىڭ ايتۋىنشا, قازاقستان اسكەري بولىمشەلەردى تەك بۇۇ اياسىندا عانا شەتەلگە جىبەرۋ جونىندەگى ۇستانىمدى قولدايدى.
جۇزدەسۋشىلەر حالىقارالىق قىزىل كرەست كوميتەتى مەن قازاقستان رەسپۋبليكاسىنىڭ بۇدان بىلايعى ىنتىماقتاستىعىنىڭ كەلەشەگىن تالقىلادى.