پارلامەنت سەناتى جانىنداعى جەرگىلىكتى وكىلدى ورگاندارمەن (ماسليحاتتارمەن) ءوزارا ءىس-قيمىل جونىندەگى كەڭەستىڭ وتىرىسى بولدى. وندا پرەزيدەنت ن.ءا. نازارباەۆتىڭ الەۋمەتتىك سالا جونىندەگى «جالاقىسى تومەن جۇمىسشىلاردىڭ ەڭبەكاقىسىن كوبەيتۋ ءۇشىن ولاردىڭ سالىق جۇكتەمەسىن ازايتۋ» تۋرالى ەكىنشى باستاماسىن ىسكە اسىرۋ بارىسى قارالدى.
شارانى كەڭەس توراعاسى, پارلامەنت سەناتى توراعاسىنىڭ ورىنباسارى سەرگەي گروموۆ اشتى. ول ءوز سوزىندە مەملەكەت باسشىسىنىڭ الەۋمەتتىك باستاماسى حالىقتىڭ از قورعالعان توپتارىنىڭ وزەكتى ماسەلەلەرىن شەشۋگە ارنالعانىن اتاپ ءوتتى.
«پرەزيدەنت ءسوزى نەگىزىنەن قاراپايىم جاندارعا ارنالىپ وتىر. بۇل سالماقتى ءارى اۋقىمدى باعدارلاما, بەس باستامانىڭ ارقايسىسى بىرنەشە ميلليونداعان ادامداردىڭ مۇددەلەرىن قورعاۋعا ارنالعان. ءبارىن قوسقاندا كەمىندە تۇرعىنداردىڭ جارتىسى پرەزيدەنتتىڭ الەۋمەتتىك باعدارلاما اياسىندا قامتىلادى», - دەدى سەنات توراعاسىنىڭ ورىنباسارى.
ونىڭ سوزىندە قازاقستان قازىردىڭ وزىندە تومەن مولشەردەگى سالىق سالاتىن مەملەكەت ەكەنى اتالىپ ءوتىلدى. سونىمەن بىرگە, س. گروموۆتىڭ ايتۋىنشا, ەڭبەكاقىسى تومەن ادامدارعا سالىق اۋىرتپالىعىن 1 پايىزعا دەيىن 10 ەسە ازايتۋ – بۇل مەملەكەت تاراپىنان جاسالىپ وتىرعان اۋقىمدى شارا, ونىڭ اياسىندا 2 ميلليوننان استام ادام قامتىلادى.
ەكىنشى باستامانى ىسكە اسىرۋ جونىندەگى مەملەكەتتىك ورگانداردىڭ جۇمىسى تۋرالى ۇلتتىق ەكونوميكا ءمينيسترىنىڭ ءبىرىنشى ورىنباسارى رۋسلان دالەنوۆ باياندادى. ول ءتيىستى مەملەكەتتىك ورگاندار «اتامەكەن» ۇلتتىق كاسىپكەرلەر پالاتاسىمەن بىرلەسە وتىرىپ, ەڭبەكقىسى تومەن جۇمىسشىلارعا سالىق سالۋدىڭ وڭتايلى تەتىكتەرىن ايقىنداعانى تۋرالى حاباردار ەتتى. زاڭناماعا ءتيىستى تۇزەتۋلەر ازىرلەنىپ, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا ەنگىزىلدى.
ەڭبەك جانە حالىقتى الەۋمەتتىك قورعاۋ ءمينيسترىنىڭ ورىنباسارى سۆەتلانا جاقىپوۆا دەپۋتاتتارعا ەڭبەكاقىسى تومەن ادامدار تۋرالى ستاتيستيكالىق دەرەكتەردى تانىستىردى. ونىڭ مالىمەتتەرى بويىنشا, مىندەتتى زەينەتاقى جارنالارىن تولەيتىن 5,8 ميلليون ادامنىڭ ايىنا ورتاشا كىرىسى 60 مىڭ تەڭگە, 2,2 ميلليون ادام ودان دا تومەن الادى. مينيستر ورىنباسارىنىڭ ايتۋىنشا, اۋىل شارۋاشىلىعى, ءبىلىم بەرۋ, دەنساۋلىق ساقتاۋ, الەۋمەتتىك قورعاۋ, كوتەرمە جانە بولشەك ساۋدا سەكىلدى سالالارداعى جالدامالى قىزمەتكەرلەردىڭ ۇلەسى جوعارى بولىپ وتىر.
تالقىلاۋعا سەنات جانە جەرگىلىكتى ءماسليحات دەپۋتاتتارى, مۇددەلى مەكەمەلەردىڭ وكىلدەرى قاتىستى.