دياگنوزدى دۇرىس قوياتىن دارىگەر

اقتوبە وبلىستىق كلينيكالىق بالالار اۋرۋحاناسى ساۋلەلىك دياگ­نوستيكا ءبولىمىنىڭ مەڭگەرۋ­شىسى مۇحانبەتيار امانعالي جەتەكشىلىك جاسايتىن بولىمشەدە جوعارىدا ايتىلعان بۇگىنگى زامان­عى قۇرالداردىڭ كومەگىمەن جاڭا تۋعان سابيلەر مەن بالالاردىڭ اراسىندا كەزدەسەتىن بارلىق اۋرۋ­عا دياگنوستيكالىق شەشىمدەر قا­بىل­دانادى. سوڭعى جىلدارى جا­سالعان مەديتسينالىق زەرتتەۋ­لەر اراسىندا جۇيكە اۋرۋلارى ءجيى كەزدەسەدى. ونىڭ ىشىندە ىشتەن تۋا بىتكەن دەرت­تەر دە بار. دۇنيەگە كەلگەننەن ين­فەكتسيالىق زاقىمدانۋدىڭ سالدارىنان ميعا قان قۇيىلىپ كەتۋ مەن مي ىسىگى اسەرىنەن تۋىندايتىن كەسەلدەر كوپ. مۇنىڭ ءبارى ميدىڭ قالىپ­تى دامۋىنا كەرى اسەرىن تي­گىزەدى, دەيدى ول.

رەنتگەنولوگ دارىگەر توموگرا­فيانىڭ كومەگىمەن جىلىنا ءۇش مىڭعا جۋىق بالانىڭ بويىنداعى اۋرۋدى انىقتايدى ەكەن. جۇيكە اۋرۋلارىنا قوسا كوز, بەز, جۇرەك دەرتىنە تاپ بولعان بالدىرعاندار قانشاما. ايتۋىنشا, مرت-نىڭ مۇمكىندىگى كت-عا قاراعاندا كوبى­رەك. سوندىقتان كت-دا كورىنبەي قا­لا­تىن اۋرۋدىڭ ۇساق وشاقتارى مەن تۇيىندەرىن توموگرافيانىڭ سوڭعى جەتىستىكتەرىنىڭ كومەگىمەن انىقتاۋعا مۇمكىندىك كەڭەيە ءتۇس­تى. اسىرەسە حالىقارالىق تەرمين­دە اني­­ۆرەزين دەلىنەتىن, ياعني تامىر­دىڭ كەڭەيىپ كەتۋىنەن بو­لاتىن بالالار دەرتىن ءدال انىق­تاۋداعى اقتوبەلىك دارىگەر­دىڭ ىزدە­نىستەرى وبلىس جانە رەس­پۋب­ليكا كولەمىندە لايىقتى با­عا­لانىپ كەلەدى. كەيدە اۋرۋ­لار­دى مرت جانە كت-نىڭ كو­مە­گىمەن تەكسەرىپ, ۇيعارىم بەرۋ­دىڭ ءوزى قيىنعا تۇسەتىن كەزدەر دە كەزدەسەدى. مۇنداي سىني ساتتە بىلىكتى مامان ومنيسكان, ومنيپاك دەلىنەتىن سۇيىق زاتتاردى تا­مى­رعا ايداۋ ارقىلى كونتراس­تى شەشىمدەر الادى. مۇنداي كەز­دە اۋرۋدىڭ بەلگىلەرى ءبىر جەر­گە شوعىرلاناتىن كورىنەدى. ول قىز­مەت ەتەتىن وبلىستىق كلي­نيكا­لىق بالالار اۋرۋحاناسىندا اۋرۋ­دىڭ بەلگىلەرى مەن سيپاتى بويىنشا رەسپۋبليكا كولەمىندە تۇڭعىش رەت جاسالىپ جۇرگەن وتالار دا از ەمەس. 

ماسەلەن, تاۋەكەل ەسىمدى ەكى اي­­­لىق ءسابيدىڭ دەرتىن انىقتاۋ وتە قيىن­عا ءتۇستى. وعان ءدال دياگ­نوز قويۋ كەزىندە مۇحانبەتيارعا دا ون ويلانىپ, ءجۇز تولعانۋعا تۋ­را كەلدى. ءجۇز رەت ولشەپ, ءبىر رەت كەس­­كەن دارىگەر سابيگە تۋا ءبىتتى ءوت جولى­نىڭ قۋىسى (كيستاسى) دەگەن دياگنوز قويادى. قاتەلەسپەپتى. وسى دياگنوز بويىنشا بىلىكتى حيرۋرگ اسلان ەرعاليەۆ جاساعان وتا ءساتتى اياقتالدى. بۇل بالالار حيرۋرگياسى­ تاريحىندا وتە سيرەك كەزدەسەتىن دەرت ەكەن. قازىر سول ءسابي التى جاس­­قا تولىپ, الاڭسىز اسىر سالىپ ويناپ ءجۇر. سونداي-اق 2006 جى­­لى دۇنيەگە كەلگەن دميتري رۋد ەسىمدى بالا دا الەمدە وتە سي­رەك كەزدەسەتىن كەسەلگە كەزىگىپتى. دۇرىس قويىلعان دياگنوز ونىڭ دا ءومىرىن ساقتاپ قالدى. مۇنى بىرىن­شىدەن, دياگنوستيك-دارىگەر مۇ­حانبەتياردىڭ تۇيسىگىنىڭ تەرەڭ­دىگىمەن بايلانىستىرساق, ەكىن­شىدەن, حيرۋرگ ۆلاديمير كوت­لوۆسكيدىڭ دە قولى جەڭىل بول­عانىنان كورەمىز. مۇحانبەتيار امانعالي بىلىكتىلىگى مەن شە­بەرلىگىن جەتىلدىرۋگە ۇدايى كوڭىل ءبولىپ كەلەدى. ول سوڭعى جىلدارى سانكت-پەتەربۋرگ پەن ماسكەۋدە جانە اۋستريا مەن گەرمانيادا سوڭ­عى ۇلگىدەگى زاماناۋي اپپاراتۋرالارمەن جۇمىس ىستەۋ داعدىسىنا قانى­عىپ قايتتى.

– بالالاردىڭ بويىنداعى دەرت­تى مرت-نىڭ كومەگىمەن انىق­­تاۋ­دىڭ تيىمدىلىگى جو­عا­رى. ويت­كەنى مۇندا ساۋلە اۋىرت­پا­لىعى كەزدەس­پەيدى. كەرىسىن­شە­ سى­نىق پەن وكپە اۋرۋ­لا­رى (التىن ستاندارت) بويىن­شا كت-دان قا­راۋدان پايداسى مو­لىراق. تۇ­تاستاي دياگنوستيكا تيىم­دى­لىگىن كوتەرۋ ءۇشىن قوسىمشا باع­دارلامالاردى مەڭگەرۋدىڭ بە­رەرى كوپ.  دارىگەرلەر مەن رەنتگەن-لابورانتتاردى شەبەرلىك سا­­عات­تارى مەن قىسقا مەرزىمدى ما­ماندىق كوتەرۋ كۋرستارىنان وت­كىزىپ تۇرۋدىڭ ماڭىزى جوعارى. سونىمەن بىرگە قىزمەت ورنىندا قاۋىپسىزدىكتى ساقتاۋ ماسەلەلەرى ۇدايى نازاردا بولۋعا ءتيىس. ايت­پەسە, قىزمەتكەردىڭ ساۋلە اۋرۋىنا ۇشىراماۋىنا ەشكىم كەپىلدىك بەرە المايدى, دەيدى دەنساۋلىق سالاسىنىڭ ساقشىسى. 

تەمىر قۇسايىن, «ەگەمەن قازاقستان»

اقتوبە