وڭتۇستىك قازاقستان وبلىسىنىڭ تاۋ بوكتەرىندەگى اۋىلدارىنىڭ بال قىمىزىنا سۇرانىس جوعارى. مىسالى, تولەبي اۋدانىنداعى ديحانكولدىڭ قىمىزىن اۋىلعا الىستان ات ارىتىپ ارنايى كەلىپ الىپ كەتەتىندەر كوپ. دەگەنمەن, بۇگىندە وڭتۇستىكتە قىمىز باپتاۋدا باسەكەلەستىك كۇشەيە تۇسكەن.
ونىڭ ءبىر كورىنىسى كۇنى كەشە ەلباسىنىڭ «بولاشاققا باعدار: رۋحاني جاڭعىرۋ» باعدارلاماسى اياسىندا بايدىبەك اۋدانىندا وتكەن «قىمىزمۇرىندىق» فەستيۆالىندە بايقالدى. قازاق حالقىنىڭ ۇلتتىق سۋسىنى – قىمىزدىڭ قۇندىلىعىن ناسيحاتتاۋدى ماقسات ەتكەن فەستيۆال اياسىندا قولونەر شەبەرلەرىنىڭ كورمەسى, قۇلىندى بيە جانە سايگۇلىكتەردىڭ شەرۋى, ۇلتتىق ات سپورت تۇرلەرىنەن كورىنىستەر, قىمىز ءىشۋ سايىسى ءوتتى. قاتىسۋشىلاردى قۇتتىقتاعان وبلىس اكىمى جانسەيىت تۇيمەباەۆ ءداستۇردىڭ ءمان-ماڭىزىنا كەڭىنەن توقتالدى.
جەڭىمپازداردى انىقتاۋدىڭ دا وڭاي بولماعانى انىق. ويتكەنى سايىسقا ءوز اۋدانىندا ەڭ تانىمال دا تۇتىنۋشىلارى كوپ قىمىز باپتاۋشىلار قاتىستى. ولاردىڭ اراسىنان باس جۇلدەنى تۇلكىباس اۋدانىنىڭ قىمىز باپتاۋشىلارى يەلەندى. تاۋ باۋرايىندا باپتالعان بال قىمىزدى كوپشىلىك جوعارى باعالادى. باس جۇلدە يەگەرلەرىنە ق ۇلىندى بيە تارتۋ ەتىلدى. ءبىرىنشى ورىندى بايدىبەك اۋدانىنىڭ, ەكىنشى جانە ءۇشىنشى ورىنداردى تۇركىستان قالاسى مەن ورداباسى اۋدانىنىڭ قىمىز باپتاۋشىلارى يەلەندى. ال قولونەرشىلەر بايقاۋىندا تۇركىستاندىق شەبەرلەردىڭ باعى جانسا, سايگ ۇلىكتەر سايىسىندا شىمكەنت قالاسىنىڭ اتبەگىلەرى الدىنا جان سالمادى.
«قىمىزمۇرىندىققا» كەلگەن كوپشىلىكتى, اسىرەسە قىمىز قۇمارلار باسەكەسى قىزىقتىردى. ۇلتتىق سۋسىنعا تابەتى جاقسىلاردىڭ جارىسىنا بارلىق اۋداننان ىنتالى ازاماتتار قاتىسىپ, 10,5 توستاعان قىمىزدى بىرىنەن سوڭ ءبىرىن سىمىرگەن ارىس قالاسى, مونتايتاس اۋىلىنىڭ تۇرعىنى الماس جامانقۇلوۆ جەڭىسكە جەتتى. فەستيۆال جەڭىمپازدارى مەن جۇلدەگەرلەر وبلىس اكىمىنىڭ ارنايى سىيلىعىمەن, ديپلومدارمەن ماراپاتتالدى.
عالىمجان ەلشىباي, «ەگەمەن قازاقستان»
وڭتۇستىك قازاقستان وبلىسى