الماتىدا قالاداعى بۇقارالىق سپورتتى دامىتۋعا باعىتتالعان «اسىل مۇرا» باعدارلاماسىنىڭ جاڭا ماۋسىمى باستالدى, دەپ حابارلايدى اقپاراتتىق جانە سپورتتىق حاب.
بۇگىن, «ورازا ايت» مەرەكەسىنىڭ ءبىرىنشى كۇنى جينالعان 3000-نان استام ورتالىق مەشىت جاماعاتتى وسى باعدارلامانىڭ اشىلۋ سالتاناتىنا قاتىستى. ولار كونتسەرتتىك باعدارلاما جانە اكروباتتاردىڭ ونەرىن تاماشالاپ قانا قويماي, قوشقار كوتەرۋ, اسىق اتۋ, باعاناعا شىعۋ, ارقان تارتۋ, گىر كوتەرۋ سپورت تۇرلەرىنەن ءوز كۇشتەرىن سىناپ, باعالى سىيلىقتارعا يە بولدى.
وسى جارىستارعا قاتىسۋشىلار جىگەرلىك تانىتىپ, اسىرەسە قوشقار كوتەرۋگە اۋەس بولدى. بارلىعى 3 قوشقار ويناتىلىپ, سونىڭ ءبىرىن ەركىن كۇرەس شەبەرى, قازاقستان ۇلتتىك قۇرامانىڭ مۇشەسى يلياس جۇماي بولدى. ول 40 كيلو سالماقتى قوشقاردى 205 رەت كوتەرىپ, وسى جەردە رەكورد ورناتتى.
- وسىنداي جارىسقا ءبىرىنشى رەت قاتىسىپ وتىرمىن.جەڭگەنىمە قۋانىشتىمىن. ودان دا كوپ كوتەرۋگە كۇشىم جەتەر ەدى, بىراق بارلىعى ءبىراۋىزدان جەڭىستى ماعان بەرگەندىكتەن جالعاستىرۋدىڭ ءمانى بولمادى, –دەپ يلياس جۇماي ءوز ويىمەن ءبولىستى.
سونداي-اق, مەشىتكە كەلۋشىلەرگە ارنايى ايت مەيرامىنىڭ مەرەكەلىك داستارحانى جايىلدى. ەرتەڭ وسى باعدارلاما اياسىندا مەشىتكە كەلۋشى جاماعاتتار اراسىندا فۋتبول ليگاسى باستالادى. Almaty Arena ستاديونىندا وتەتىن ويىندارعا بارشا الاتاۋ اۋدانى مەشىتتەرىنىڭ جاماعاتتارى قاتىسا الادى. باستالۋى ساعات 09:00-دە. وسى ليگانىڭ جالپى جۇلدە قورى 1 ملن. تەڭگەنى قۇرايدى. قاتىسۋ تەگىن.
دايىنداعان عالىم سۇلەيمەن,
«ەگەمەن قازاقستان»