6 ماۋسىمدا استانا قالاسىندا مەملەكەت باسشىسى ن. نازارباەۆتىڭ قاتىسۋىمەن شەتەلدىك ينۆەستورلار كەڭەسىنىڭ 31-پلەنارلىق وتىرىسى ءوتتى.
وتىرىس بارىسىندا ۇدەمەلى جاڭعىرتۋ جۇمىستارىن جۇرگىزۋ, جاڭا تەحنولوگيالاردى قولدانۋ جانە تسيفرلاندىرۋ تۇرعىسىنان ينۆەستيتسيالىق ساياسات جانە ەلىمىزدىڭ ودان ءارى ەكونوميكالىق ءوسىمىنىڭ كەلەشەگى ماسەلەلەرى تالقىلاندى. شەتەلدىك تاراپتىڭ كەڭەسكە ەنەرگەتيكا, ەكولوگيا جانە مۇناي-گاز سالالارىنىڭ ماسەلەلەرى, ەڭبەك زاڭناماسىن جەتىلدىرۋگە, سونداي-اق ادام كاپيتالىن دامىتۋعا جانە شەتەلدىك جۇمىس كۇشىن تارتۋعا قاتىستى ۇسىنىستارى قارالدى.
شيك اياسىندا 5 جانە 6 ماۋسىم كۇندەرى باقىتجان ساعىنتاەۆ كوپتەگەن جىلدار بويى قازاقستان ەكونوميكاسىنا ينۆەستيتسيالار سالۋشى ءىرى حالىقارالىق كومپانيالاردىڭ باسشىلارىمەن جانە وكىلدەرىمەن بىرقاتار كەزدەسۋلەر وتكىزدى. ىنتىماقتاستىقتى ودان ءارى كەڭەيتۋ جانە نىعايتۋ, جاڭا ينفراقۇرىلىمدىق جوبالاردى قۇرۋ جانە ارەكەت ەتۋشىلەرىن تيىمدى ىسكە اسىرۋ ماسەلەلەرى تالقىلاندى.
ولاردىڭ اراسىندا ەۋروپا قايتا قۇرۋ جانە دامۋ بانكىنىڭ پرەزيدەنتى س. چاكرابارتيمەن, «بەيكەر ماكەنزي ينتەرنەشنل» كومپانياسىنىڭ قۇرمەتتى توراعاسى ەدۋاردو لەيتەمەن, CNPC International ديرەكتورلار كەڭەسىنىڭ توراعاسى ۆان چجونتسايمەن, «شەۆرون» كومپانياسىنىڭ اتقارۋشى ۆيتسە-پرەزيدەنتى دجەيمس (دجەي) دجونسونمەن, شەلل كومپانياسىنىڭ باس اتقارۋشى ديرەكتورى بەن ۆان بيوردەنمەن, GE Oil&Gas پرەزيدەنتى جانە باس اتقارۋشى ديرەكتورى لورەنتسو سيمونەلليمەن, ەۋروپا, تاياۋ شىعىس, افريكا وڭىرلەرى بويىنشا Citigroup باس اتقارۋشى ديرەكتورى دجەيمس كوۋلزبەن, «لۋكويل» پرەزيدەنتى ۆ. الەكپەروۆپەن, تمد بويىنشا Deloitte باس اتقارۋشى ديرەكتورى يان كوۋلبەرنمەن, Marubeni Corporation ۆيتسە-توراعاسى شيگەرۋ يامازوەمەن, Exxon Mobil Production Company پرەزيدەنتى نيل ۋ. داففينمەن, EMEIA (ەۋروپا, تاياۋ شىعىس, ءۇندىستان جانە افريكا) ءوڭىرى بويىنشا Ernst and Young كومپانياسىنىڭ باسقارۋشى سەرىكتەسىنىڭ ورىنباسارى رۋدي براسپەن, Polpharma كومپانياسىنىڭ باقىلاۋ كەڭەسىنىڭ توراعاسى ەجي ستاراكپەن, Deutsche Bank AG ورتالىق جانە شىعىس ەۋروپا بويىنشا وڭىرلىك باسقارماسىنىڭ باس اتقارۋشى ديرەكتورى يورگ بونگارتتسپەن, «ستراتەگيا جانە كوشباسشىلىقتى دامىتۋ» باعىتى بويىنشا PwC جاھاندىق كوشباسشىسى بلەر شەپاردپەن كەزدەسۋلەر وتكىزىلدى.