92 ەلدىڭ ىشىنەن قازاقستان مينەرالدى سۋدىڭ ساپاسى بويىنشا كوشباسشى اتاندى

ساراپشىلاردىڭ پىكىرىنشە, «سۋ» ساناتىنداعى ەڭ جاقسى برەندتەر: 20 جىل بويى وسى الەمدىك ساراپتاماعا قاتىسىپ كەلە جاتقان جاپونيا, ەكىنشى رەت ساپا سىناعىندا باعى جانعان قازاقستان مەن العاش رەت ءوزىن كورسەتكەن ارگەنتينا مەملەكەتتەرى بولىپ وتىر.

2018 جىلى ساراپتامادان الەمنىڭ 92 ەلىنەن 1000-نان استام وندىرىستىك كومپانيالارىنىڭ 2 820 ءونىمى وتكەن. Monde Selection رەسمي ماراپاتتاۋ ءراسىمىن جىل سايىن ءارتۇرلى ەلدەردە وتكىزەدى. بيىلعى جىلى ۆالەنسيادا (يسپانيا) ءوتتى.

تابيعي سۋدى ساراپتامادا ۇسىنعان, قازاقستاندىق «AsiaWaters» كومپانياسىنىڭ قاداعالاۋ كەڭەسىنىڭ مۇشەسى, شالقار نۇرتىلەۋوۆ: «جاپوندىق ونىمدەرمەن باسەكەلەسدە باتىل بولۋ ءۇشىن ءوز ونىمدەرىڭىزدىڭ ساپاسىنا سەنىمدى بولۋىڭىز كەرەك. سەبەبى Monde Selection ساراپتاماسىنىڭ نەگىزگى ساراپشىلارى – ميشلەن جۇلدىزدارىن يەلەنگەن اسپازدار بولىپ تابىلادى. ال وزدەرىڭىز بىلەتىندەي, ميشلەننىڭ ءۇش جۇلدىزىن يەلەنگەن الەمدەگى ەڭ كوپ مەيرامحانالار جاپونيادا  ورنالاسقان. ياعني ولار ءبىرىنشى ورىندا تۇر. مەن جاپوندىق ارىپتەستەرىمنەن جىل سايىن وسى ەمتيحانعا نە سەبەپتى قاتىساتىندارىن سۇرادىم جانە بۇل ساراپتاما ولارعا ساپانىڭ جوعارى دارەجەسىن ۇستاپ تۇرۋعا كومەكتەسەتىندىگىن ايتتى» دەيدى.

Monde Selection ساراپتاماسى 1961 جىلدان بەرى جۇمىس ىستەيدى. وعان قاتىسۋ جالپى دەرلىك تەگىن, تەك ەگەر ءونىم جەتىستىككە يەلەنەتىن بولسا رەسمي ماراپاتتاۋ راسىمىنە قاتىسۋ ءۇشىن اقى تولەۋ قاجەت بولادى. ساراپتامانىڭ ءدال وسى جەرى ساراپشىلارعا قاجەتتى وبەكتيۆتىلىك پەن الەمدىك بەدەلدى ۇستاپ تۇرۋعا مۇمكىندىك بەرەدى. «ميشلەن» جۇلدىزدارى بار تانىمال اسپازشىلاردى, كاسىبي ديەتولوگتار مەن سومەلەلەردى قوسا العاندا, ءتۇرلى سالالاردىڭ 80-نەن استام تاۋەلسىز ساراپشىلارى جىل سايىن ءارتۇرلى كورسەتكىشتەر بويىنشا الەمنىڭ 3 مىڭعا جۋىق برەندتەرىن باعالايدى. سونىڭ ىشىندە, «سۋ» ساناتى بارلىق 80 كورسەتكىشتەر شكالاسى بويىنشا باعالانادى.

«Monde Selection» التىن ماراپاتىن بۋراباي شيپاجايىنىڭ جەر استى كەن ورىندارىنان الىناتىن TURAN جانە QULAGER-BURABAY تابيعي مينەرالدى سۋلارى الىپ وتىر.

ايناش ەسالي,

«ەگەمەن قازاقستان»

الماتى