بۇل تۋرالى بۇگىن الماتى قالاسى وڭىرلىك كوممۋنيكاتسيالار قىزمەتىنىڭ الاڭىندا الماتى قالاسىنىڭ مەملەكەتتىك ەڭبەك ينسپەكتسياسى جانە كوشى-قون باسقارماسىنىڭ باسشىسى تالعات رازاقوۆ باياندادى.
2017 جىلى جۇمىس بەرۋشىلەر تاراپىنان جۇمىسكەرلەرگە قاتىستى ەڭبەك زاڭناماسىنىڭ بۇزىلۋى بويىنشا 3498 ءوتىنىش قارالعان.
ەڭبەك زاڭناماسىنىڭ نورمالارىن ساقتاۋ بويىنشا مەملەكەتتىك باقىلاۋدى جۇزەگە اسىرۋ كەزىندە ازاماتتاردىڭ ەڭبەك قۇقىقتارىن قورعاۋعا باعىتتالعان 827 تەكسەرۋ جۇرگىزىلدى.
الماتى قالاسىنىڭ مەملەكەتتىك ەڭبەك ينسپەكتسياسى جانە كوشى-قون باسقارماسىنىڭ باسشىسى تەكسەرۋلەر بارىسىندا 960 زاڭبۇزۋشىلىق انىقتالىپ, ونى جويۋ ءۇشىن 483 نۇسقاۋلىق شىعارىلعانىن اتادى.
ەڭبەك زاڭناماسىنىڭ نورمالارىن بۇزعانى ءۇشىن 331 لاۋازىمدى جانە زاڭدى تۇلعالار 58,2 ملن. تەڭگە سوماسىندا (سونىڭ ىشىندە جالاقىنى ۋاقىتىندا تولەمەگەنى ءۇشىن, 227 زاڭدى تۇلعا اكىمشىلىك جاۋاپكەرشىلىككە تارتىلدى, 45 ملن. تەڭگە, ەڭبەك كەلىسىم-شارتىنسىز جۇمىسقا قابىلداپ, ەڭبەك دەمالىسىن بەرمەگەنى ءۇشىن 7,9 ملن. تەڭگە مولشەرىندە 43 ايىپپۇل سالۋ, وندىرىستەگى قايعىلى وقيعالاردى جاسىرىپ, ءوندىرىس بارىسىنداعى قايعىلى وقيعالاردى تەرگەمەگەنى ءۇشىن 4,8 ملن. تەڭگەگە 18 ايىپپۇل, بوس جۇمىس ورىندارى تۋرالى جۇمىسپەن قامتۋ ورتالىقتارىنا ەسەپ بەرمەگەنى ءۇشىن 499 مىڭ تەڭگە 20 ايىپپۇل سالىنىپ, 23 ەسكەرتۋ بەرىلدى).
كورسەتىلگەن ايىپپۇلداردىڭ سوماسىنان 43,6 ملن. تەڭگەگە 264 ايىپپۇل جينالدى, بۇل 74,9%. الماتى قالاسىنداعى جەكە سوت ورىنداۋشىلارىنىڭ وڭىرلىك پالاتاسىنا 14,3 ملن. تەڭگەگە 64 اكىمشىلىك ايىپپۇل تاپسىرىلدى, بۇل مىندەتتى تۇردە 24,6% قۇرايدى. (سوتتا 408 420 تەڭگە ايىپپۇل 3 ايىپپۇل جويىلدى).
2017 جىلى مەملەكەتتىك ەڭبەك ينسپەكتورلارىنىڭ تاپسىرماسى بويىنشا جالاقى بويىنشا بەرەشەك 302 كاسىپورىنعا 442 ملن. تەڭگە سوماسىندا تولەندى. وسىلايشا, 2 389 قىزمەتكەردىڭ كونستيتۋتسيالىق جانە ەڭبەك قۇقىعى قورعالعان.
2017 جىلى قالانىڭ كاسىپورىندارىندا 127 ونەركاسىپتىك جازاتايىم وقيعالار بولدى (2016 جىلى وسى كەزەڭدە, 127). زارداپ شەككەن جۇمىسشىلاردىڭ سانى 134 ادامدى قۇرادى (2016 - 128 ادام), سونىڭ ىشىندە 17 ادام قايتىس بولدى (2016 - 13 ادام), 41 ادام اۋىر جاراقات الدى (2016 - 35 ادام), 76 ادام جەڭىل دارەجەدەگى جاراقاتتار الدى (2016 - 80 ادام).
كاسىپتىك جازاتايىم وقيعالار بويىنشا 72 ارنايى تەكسەرۋ جۇرگىزىلدى. 1000 قىزمەتكەرگە (CZ) كەلتىرىلگەن جاراقات مولشەرلەمەسى - 0,15% (2016-0,24%), 1000 قىزمەتكەرگە شاققانداعى ءولىم ناتيجەسى - 0,021% (2016-0,02%) بولدى.
2017 جىلعى كورسەتىلگەن كەزەڭدە, باسقارما تاراپىنان قازاقستان رەسپۋبليكاسى ەڭبەك كودەكسىنىڭ 197 بابىنا سايكەس, قالا قۇرىلىسى ۋچاسكەلەرىنە 23 تەكسەرىس ۇيىمداستىرىلدى, وعان سايكەس جۇمىس بەرۋشىلەرگە قۇقىق بۇزۋشىلىقتاردى جويۋ تۋرالى (اكىمشىلىك ءىس قوزعاماي) نۇسقاۋلار بەرىلدى, – دەدى باسقارما باسشىسى.
ايناش ەسالي, «ەگەمەن قازاقستان»