قازاقستاننىڭ ەڭبەك سىڭىرگەن قايراتكەرى, «قۇرمەت» وردەنىنىڭ يەگەرى, جامبىل اتىنداعى حالىقارالىق سىيلىقتىڭ لاۋرەاتى جولامان تۇرسىنباەۆتىڭ «اينالايىن, قىزىلجار!» شىعارماشىلىق كەشى ءوتتى.
وندا ايماق باسشىسىنىڭ ورىنباسارى ماديار قوجاحمەت وبلىس اكىمى قۇمار اقساقالوۆتىڭ جىلى سەزىمگە تولى قۇتتىقتاۋ لەبىزىن جەتكىزىپ, يىعىنا شاپان جاپتى. مادەنيەت جانە سپورت ءمينيسترى ارىستانبەك مۇحامەدي ۇلىنىڭ العىس حاتى تابىس ەتىلدى. قازاقستان كومپوزيتورلار وداعىنىڭ ءتورايىمى بالنۇر قىدىربەك تالانت يەسىنىڭ پاتريوتتىق تاقىرىپقا جانە ليريكاعا تولى ەكى قىرىن ايرىقشا اتاپ ءوتتى.
ساحنا شىمىلدىعى سەگىز سەرى اتىنداعى قازاق حالىق اسپاپتار وركەسترى جانە «ادەمى-اۋ» حالىق بي ءانسامبلىنىڭ سۇيەمەلدەۋىمەن «ەلىگاي» ءانىنىڭ ورىندالۋىمەن اشىلدى. رەسپۋبليكالىق بايقاۋلاردىڭ لاۋرەاتتارى دينارا تاۋىشەۆا, باقىت ءىلياسوۆ, دامەش قۇرمانكينا, اسحات تاۋىشەۆ كومپوزيتوردىڭ «ەسىلىم», «تۋعان جەر», «ۇلبيكەنىڭ سوڭعى ءانى», «بەكەت اتا-ءپىر اتا» اندەرىن ناقىشىنا كەلتىرە ورىنداپ بەردى. قازاقستاننىڭ ەڭبەك سىڭىرگەن قايراتكەرى, تۇڭعىش پرەزيدەنت قورىنىڭ لاۋرەاتى , قازاق ۇلتتىق ونەر ۋنيۆەرسيتەتىنىڭ پروفەسسورى ازامات جىلتىركوزوۆ «مەڭگەسەر», «اتىراۋىم-اتاجۇرتىم», «ايگ ۇلىم» اندەرىن سىيلاپ, جۇرتشىلىقتىڭ قۇلاق قۇرىشىن قاندىردى. وسى كەشتە بىرقاتار جاڭا اندەردىڭ تۇساۋى كەسىلدى. سولاردىڭ ءبىرى –بيىل 125 جىلدىق مەرەيتويى اتاپ وتىلەتىن ماعجان جۇماباەۆتىڭ «ايدىن شالقار كولىم-اي», «قازاق ءتىلى» ولەڭدەرىنە جازىلعان اندەرى.
كەش سوڭىندا ۇلت جاناشىرلارىنىڭ ءبىرى جومارت وماروۆ ءوڭىر كاسىپكەرلەرى اتىنان «تەمىر تۇلپاردىڭ» كىلتىن تارتۋ ەتتى.
ءومىر ەسقالي, «ەگەمەن قازاقستان»