اقتاۋدا ماڭعىستاۋ وبلىسىنىڭ مەملەكەتتىك قىزمەتشىلەرى اراسىندا مەملەكەتتىك قىزمەت ورگاندارىنىڭ قۇرىلعانىنا 20 جىلدىعى, اقتاۋ قالاسىنىڭ 55 جىلدىعى, ەلدىڭ ءتورى ەلوردامىزدىڭ 20 جىلدىعىنا وراي ۆولەيبولدان جارىس ءوتتى. سايىس قورىتىندىسىندا ماڭعىستاۋ اۋدانىنان كەلگەن كوماندا ءبىرىنشى ورىن السا, ەكىنشى ورىن جاڭاوزەن كومانداسىنا بۇيىردى, ال ءۇشىنشى ورىندى تۇپقاراعان اۋدانى كومانداسى يەلەندى.
جەڭىمپازدار اقشالاي سىيلىقپەن, مەدالدارمەن ماراپاتتالدى. جەڭىمپاز ۆولەيبول شەبەرلەرى ەندى "مەملەكەتتىك قىزمەت ورگاندارىنىڭ قۇرىلعانىنا 20 جىل" تولۋىنا وراي پاۆلودار قالاسىندا وتەتىن رەسپۋبليكالىق جارىستا ماڭعىستاۋدىڭ نامىسىن قورعايدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى