«تسيفرلى قازاقستان» مەملەكەتتىك باعدارلاماسىنىڭ تولىققاندى جۇزەگە اسۋى ەل تۇرعىندارىنىڭ تۇرمىس-تىرشىلىگىن جاقسارتۋعا كەڭىنەن جول اشادى. اسىرەسە, قاتارداعى ازاماتتاردىڭ تسيفرلىق ساۋاتتىلىعىن ارتتىرۋ قوعامدى قاعازباستىلىقتان قۇتقارىپ, بارلىق سالاداعى ىلگەرلەۋشىلىككە ۇلاسپاق. سايىپ كەلگەندە, تسيفرلاندىرۋدىڭ جەمىسى ادامنىڭ زامانعا لايىقتى ءومىر ءسۇرۋى عانا ەمەس, قاجەتتى تۇتىنۋ قىزمەتتەرىن ساپالى ءارى جىلدام الۋدىڭ العىشارتىنا اينالادى.
ەلىمىزدە بۇل باعىتتاعى جۇمىستار قارقىمەن جۇرگىزىلۋدە. «تسيفرلى قازاقستان» مەملەكەتتىك باعدارلاماسىنىڭ ساتىلاپ جۇزەگە اسىرىلۋى از ۋاقىت ارالىعىندا ناتيجەسىن بەرە باستادى. ءدال وسى ماقساتتىڭ تۇپكىلىكتى مىندەتكە اينالۋ جولدارى مەملەكەت باسشىسى نۇرسۇلتان نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا دا ناقتى كورسەتىلگەن بولاتىن. بۇگىندە باستى نازاردا تۇرعان مەملەكەتتىك باعدارلامانىڭ جۇزەگە اسۋىنا ۇكىمەت قانا ەمەس, باسقادا قوعامدىق ينستيتۋتتار دا جۇمىلا كىرىسىپ جاتىر. مىسالعا, «نۇر وتان» پارتياسى تسيفرلاندىرۋ باعدارلاماسىن دامىتۋعا ارنالعان ءوز جوباسىن باستاپ, ناقتى ىسكە كوشتى. قازىر پارتيا بىلىكتى IT-ماماندار پۋلىن دايارلاۋعا باعىتتالعان «Iت-مامانداردى دايارلاۋ» باستاماشىل جوباسىن ىسكە اسىرا باستادى.
وسى جوبا بويىنشا «نۇر وتان» پارتياسى ەلىمىزدىڭ بارلىق وبلىستارىندا زاماناۋي تەحنولوگيا ءتىلىن مەڭگەرگەن ماماندار دايارلايتىن ورتالىقتار اشىپ جاتىر. كۇنى كەشە پارتيانىڭ الماتى وبلىستىق فيليالىنىڭ باستاماسىمەن تالدىقورعان قالاسىنداعى اگروتەحنيكالىق جانە پوليتەحنيكالىق كوللەدجدەردىڭ بازاسىندا ەكى ءىت-ورتالىق اشىلدى.
- ەلباسىنىڭ تاپسىرماسىنا سايكەس «نۇر وتان» پارتياسى ەلىمىز بويىنشا 1000 تەگىن ءىت-سىنىپ اشۋ جوباسىن قولعا الىپ, سول باعىتتا جۇمىس ىستەۋدە. وبلىس بويىنشا 21 ءىت سىنىپ اشىلماق. ەكى جىل ىشىندە 8100 بالاعا زاماناۋي ءبىلىمنىڭ الىپەسىن ۇيرەتىپ, ەلۋگەگە جۋىق ءىت-مامان دايارلاۋ جوسپارلانۋدا. مۇنداعى ماقسات بالالارعا باعدارلامالاۋ مەن روبوتوتەحنيكا نەگىزدەرىنە ۇيرەتۋ. سونىڭ ارقاسىندا ولارعا قازىرگى تاڭدا سۇرانىسقا يە ماماندىقتار بويىنشا ءبىلىم بەرۋ. بۇل يگى باستاما پارتيانىڭ «تسيفرلى قازاقستان» باعدارلاماسىنا قوسقان قوماقتى ۇلەسى, - دەيدى پارتيا فيليالى توراعاسىنىڭ ءبىرىنشى ورىنباسارى عالياسقار سارىباەۆ.
ال ارنايى وقىتاتىن ورتالىقتاردىڭ كاسىپتىك ءبىلىم بەرەتىن كوللەدجدەردىڭ نەگىزىندە اشىلۋىندا وزىندىك ءمان بار. تالدىقورعانداعى اگروتەحنيكالىق كوللەدج بەن پوليتەحنيكالىق كوللەدج قابىرعاسىندا تەحنيكالىق ماماندىققا باۋليتىن پاندەر وقىتىلادى. بۇعان دەيىن دە كوللەدجدەردەن ءبىلىم الىپ شىعاتىن باعدارلاماشى, ارنايى تەحنيكا شەبەرى سياقتى ماماندىقتارعا سۇرانىس جوعارى بولىپ كەلگەن. ماماندىق العان جاستاردىڭ دەنى جۇمىسپەن قامتىلۋدا. تاعى ءبىر ەرەكشەلىگى, ەكى وقۋ ورىنىندا دا اۋىلدان كەلگەن جاسوسپىرىمدەر كوپتەپ وقيدى ەكەن. دەمەك, قازاق بالاسىنىڭ جاڭا زامانعى ماماندىقتاردى يگەرۋگە دەگەن ىنتاسى جوعارى دەگەن ءسوز.
- جاڭادان اشىلعان ورتالىقتا IT سالاسىنا قاتىستى ماماندار وقىتىلىپ, جاڭا تەحنولوگيالارمەن قامتاماسىز ەتىلەتىن بولادى. بولاشاقتا وسى ءىت-ورتالىقتار نەگىزىندە جاستاردان جاڭا يدەيالار, جوبالاردجى جيناقتاپ, جاڭا بۋىن جاس عالىمدار قالىپتاستىرۋىمىزعا دا مۇمكىندىك مول,- دەدى بىزگە تالدىقورعان پوليتەحنيكالىق كوللەدجىنىڭ ديرەكتورى ەرقانات مۇقاجانوۆ.
قالماحانبەت مۇقامەتقالي,
«ەگەمەن قازاقستان»
الماتى وبلىسى