بۇل تۋرالى بۇگىن الماتى قالاسى وڭىرلىك كوممۋنيكاتسيالار قىزمەتىنىڭ الاڭىندا مالىمدەدى.
ءاربىر لاۋرەاتتىڭ نەمەسە ديپلومانت تاعدىرى باقىلانىپ وتىرادى, «بوزتورعاي» كونكۋرسىنىڭ حالىقارالىق فەستيۆالدەر مەن كونكۋرستار دۇنيەجۇزىلىك فەدەراتسيا قاتارىنا ەنگەندىگى ارقاسىندا قازاقستاننىڭ دارىندى بالالارى حالىقارالىق فەستيۆالدەر مەن كونكۋرستارعا قاتىسۋ ەرەكشە مۇمكىندىگىن الادى, – دەيدى «بوزتورعاي» بالالار شىعارماشىلىعى حالىقارالىق بايقاۋىنىڭ ديرەكتورى قارلىعاش ابدىكارىموۆا.
بۇل تابىسقا «بوزتورعاي» بالالار شىعارماشىلىعى حالىقارالىق بايقاۋى وڭاي جەتە سالعان جوق. تالانتتى بالالارىمىز اقش, بولگاريا, لاتۆيا, ليتۆا, ەستونيا, رەسەي, بەلورۋسسيا, تۇركمەنستان, تادجىكستان, گەرمانيا, كورەيا, پولشا, تۇركيا, يتاليا, پورتۋگاليا, چەحيا, فرانتسيا, يسپانيا سىندى مەملەكەتتەردە جەڭىپ العان گران-پري جانە جۇلدەلى ورىندارىمەن جەتتى.
«بوزتورعاي» بايقاۋى وتكىزىلگەن جىلداردا دارىندى بالالاردى انىقتاۋ جانە دامىتۋ باعىتىندا كوپ جۇمىس جاسالدى. اتقارىلعان شارالار ءبىر كەزەڭدىك ەمەس ەكەندىگىن ايتا كەتۋ قاجەت.
ايناش ەسالي,
«ەگەمەن قازاقستان».
الماتى