تسەلينوگراد اۋدانىنداعى قابانباي باتىر جانە قوسشى اۋىلدارىندا زاماناۋي بالالار باقشاسى اشىلدى. وسى يگى شارالاردىڭ اشىلۋ سالتاناتىنا قاتىسقان وبلىس اكىمى سەرگەي دياچەنكو جۇرتشىلىقتى قۋانىشقا بولەگەن نىساندار ەلباسىنىڭ استاناعا ىرگەلەس ەلدى مەكەندەردى دامىتۋ جونىندەگى كەشەندى باعدارلاماسىنا ساي سالىنعاندىعىن اتاپ ءوتتى.
قابانباي باتىر اۋىلى تۇرعىندارىنىڭ سۇرانىسىن تولىق قامتاماسىز ەتەتىن 320 ورىندىق «بالاۋسا» بالعىندار ۇياسى رەسپۋبليكالىق بيۋدجەت قارجىسىمەن بوي كوتەردى. مۇندا ارقايسىسىندا 20 بالادان جيناقتالعان 16 توپ قازاق جانە ورىس تىلدەرىندە ءتالىم الاتىن بولادى. سونداي-اق, جاڭا نىساننىڭ پايدالانۋعا بەرىلۋىمەن 70 جۇمىس ورنى قۇرىلىپ وتىرعانى دا ماڭىزدى.
قابانبايلىقتار بارلىق قولايلىلىق قاراستىرىلعان بالاباقشانى تاۋەلسىزدىك مەيرامى قارساڭىندا تارتۋ ەتكەن تەمىر داۋلەتوۆ جەتەكشىلىگىندەگى «تمZ» جشس ۇجىمىنا العىستارىن جاۋدىردى.
قوسشى اۋىلىنىڭ تۇرعىندارى دا «بيزنەستىڭ الەۋمەتتىك جاۋاپكەرشىلىگى» قوزعالىسىنىڭ سىيلىعىنا ريزا كوڭىلدەرىن ءبىلدىردى. جەرگىلىكتى كاسىپكەر ەسماعزام قوجاحمەتوۆ اۋماعى 400 شارشى مەترلىك كوتتەدج ءۇلگىسىندەگى اسەم «ءامينا» بالاباقشاسىن ءوز قاراجاتىنا تۇرعىزدى. جەكەمەنشىك باقشا جيىرما ادامدى جۇمىسپەن قامتىپ وتىر.
باقبەرگەن امالبەك.
اقمولا وبلىسى.