ماڭعىستاۋ وبلىسىنىڭ اكىمى ەرالى توعجانوۆتىڭ توراعالىعىمەن اپپاراتتىق جيىن ءوتتى.كەزدەسۋ بارىسىندا قارالعان ماسەلەنىڭ ءبىرى - ورمان جانە دالا ورتتەرىنىڭ الدىن الۋ جانە ولاردى جويۋعا دايارلىق تۋرالى بولدى.
اتالعان ماسەلە بويىنشا توتەنشە جاعدايلار جونىندەگى دەپارتامەنتىنىڭ باستىعى قۋانار بازارباەۆ باياندادى.
2018 جىلدىڭ ءساۋىر ايىندا ماڭعىستاۋ وبلىسىنىڭ اۋماعىندا 77 ءورت تىركەلىپ ماتەريالدىق زالال 17 ميلليون 300 مىڭ تەڭگەنى قۇرادى. سونداي-اق, «قازگيدرومەت» رمك شىلدە مەن تامىز ايلارىندا وڭىردە اۋا تەمپەراتۋراسى 45س-قا دەيىن كوتەرىلەدى جانە جاۋىن-شاشىننىڭ دەفيتسيتى بولادى دەپ بولجاۋدا. وسىعان بايلانىستى 290 شاقىرىم ۇزىندىقتاعى مينەرالدى جولاقتارعا ورمانداعى ءورت قاۋىپسىزدىگى بويىنشا 77 بەكەت ورناتىلدى.
-اعىمداعى كەزەڭدە ساي-وتەستى قوسا العاندا 4 ءورت ءسوندىرۋشى بەكەت ءۇشىن تەحنيكالىق قىزمەت كورسەتۋگە 17,6 ملن تەڭگە قاراجات قاجەت. بۇدان باسقا, جەردى قاشىقتىقتان زوندتاۋدىڭ عارىشتىق مونيتورينگى قاجەت. عارىشتان الىنعان سۋرەتتەر ولاردىڭ دامۋىنىڭ باستاپقى كەزەڭىندە تابيعي ورتتەرگە جىلدام ارەكەت ەتۋگە مۇمكىندىك بەرەدى. وسى ماقساتتارعا جىل سايىن 4 ملن تەڭگە قاجەت, دەدى ماڭعىستاۋ وبلىسى بويىنشا توتەنشە جاعدايلار جونىندەگى دەپارتامەنتىنىڭ باسشىسى پوليتسيا پولكوۆنيگى قۋانار بازارباەۆ.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى