قازاگرو بايقاۋىنىڭ جەڭىمپازدارى

ەلىمىزدەگى اسا ءىرى ەكونوميكالىق قۇرىلىمدار­دىڭ ءبىرى – «قازاگرو» ۇلتتىق حولدينگى ەل تاۋەل­سىز­دى­گىنىڭ 20 جىلدىعىنا جانە حولدينگتىڭ قۇرى­لۋى­نىڭ 5 جىلدىق مەرەيتويىنا ورايلاس جۋرناليستەر اراسىندا بايقاۋ جا­ريا­لاعان بولاتىن. جىل بويى جۇرگى­زىل­گەن بايقاۋعا جۇزدەن استام جۋرناليستەر قا­تىستى. بايقاۋ قورىتىن­دى­سىن­دا سولاردىڭ ارا­سىن­دا جۇزدەن ءجۇي­رىك شىققاندارى استانادا باس قوستى. بايقاۋدى ۇيىمداستىرۋ كوميتەتىنىڭ حابارلا­عا­نىنداي, كونكۋرستىڭ جەڭىم­پا­زى بولىپ «ەگەمەن قازاقستان» گازە­تى­نىڭ ەكونوميكالىق شولۋشىسى, ءارىپ­تەسىمىز سۇڭعات ءالىپباي تانىلدى. ەكى ەكىنشى ورىنعا «ەكسپەرت كازاحستانا» جۋرنالىنىڭ ءتىلشىسى ولگا فلينك پەن «حابار» ارناسىنىڭ ءجۋرناليسى ءاليا ەسەنوۆا يە بولدى. ءۇش ءۇشىنشى ورىن «كوستانايسكيە نوۆوستي» گازەتىنىڭ ءتىلشىسى تەمىر ءتۇر­كىس­تا­نوۆ­قا, «الاۋ» تەلەارناسىنىڭ جاڭالىقتار قىز­مە­تى­نىڭ رەداكتورى تاتيانا موروزعا, «استانا» را­ديوسىنىڭ اقپاراتتىق باعدارلاماسىنىڭ جەتەكشى رەداكتورى سايران قۇسايىنوۆاعا بۇيىردى. سونداي-اق «ايقىن» گازەتىنىڭ ەكو­نوميكالىق شولۋشىسى الما مۇ­حامەد­جانوۆا, «ستۆ» تەلەارنا­سى­نىڭ باس رەداكتورى باۋىرجان بەردى­مۇراتوۆ, «كور­پوراتسيا» گازەتىنىڭ باس رەداك­تورىنىڭ ورىن­باسارى ديدار بەگاليەۆ, «اگروجارشى» گازەتىنىڭ باس رەداكتورى ءمانسيا ساكەنوۆا 100 مىڭ تەڭگەلىك كوتەرمەلەۋ سىيلىقتارىنا يە بولدى. كونكۋرس جەڭىمپازى مەن جۇلدە­گەرلەرىن «قاز­اگرو» حولدينگىنىڭ باس­قارما توراعاسى بەرىك بەي­سەن­عاليەۆ, ونىڭ ورىنباسارلارى قايرات اي­تۋ­عانوۆ پەن ليليا مۋسينا جانە حولدينگ قۇرامىنداعى كورپوراتسيالاردىڭ باس­شى­لارى قۇتتىقتادى. ءابدىراحمان قىدىربەك.