الماتىلىق پەداگوگتار سدۋ-دا باس قوستى

ايتا كەتكەن ءجون, ۋنيۆەرسيتەت ۇجىمى اتالمىش ءىس-شارانى العاش رەت جاس عالىمداردىڭ عىلىمي-زەرتتەۋ جۇمىستارىن نىعايتۋ جانە پەداگوگيكا سالاسىنداعى مامانداردىڭ بىلىكتىلىگىن ارتتىرۋ ماقساتىندا ۇيىمدارستىرىپ وتىر.

سەمينار جۇمىسىنا ءبىلىم بەرۋ سالاسىنىڭ ۇزدىك وكىلدەرى قاتىسىپ, جاس ماماندارعا ارنايى شەبەرلىك ساعاتتارى مەن باياندامالارىن ارنادى. سونىمەن قاتار شارا بارىسىندا ء«بىلىم بەرۋ سالاسىنداعى مەنەدجمەنت پەن كوشباسشىلىق», ء«بىلىم بەرۋ سالاسىنداعى مودەرنيزاتسيا: قازاق ءتىلى مەن ادەبيەتى ماسەلەلەرى», «تسيفرلاندىرۋ داۋىرىندەگى ماتەماتيكالىق ءبىلىم بەرۋ», «قاشىقتان ءبىلىم بەرۋ تەحنولوگيالارى» سىندى بىرقاتار وزەكتى تاقىرىپتارعا ارنالعان دوڭگەلەك ۇستەلدەر ءوتتى.

قاتىسۋشىلار سدۋ ۇزدىكسىز ءبىلىم بەرۋ ورتالىعىندا اعىلشىن ءتىلى ءبىلىمىنىڭ دەڭگەيىن تەكسەرىپ, سىناما ەمتيحان تاپسىردى.

ءىس-شارانىڭ ارنايى قوناقتارى ەلوردالىق «ۇستاز» كاسىبي جەتىلدىرۋ ورتالىعىنىڭ باس ديرەكتورى ءالىمجان يگەنباەۆ قاتىسۋشىلارعا «كەمەل ۇستاز» پورترەتى تاجىريبەلىك شەبەرلىك ساعاتىن وتكىزسە, Central Asian Garden Schools باسقارۋ كومپانياسىنىڭ باس ديرەكتورى نۇرمۇحامەد دوسىباەۆ «قازاقستاندىق ءبىلىم بەرۋ 4.0:عاسىردىڭ زاماناۋي سىن-تەگەۋرىندەرى» تاقىرىبىندا ويلارىمەن ءبولىستى.

ال, بەيىندى ماماندىقتار ءۇشىن سدۋ ساراپشىلارى, ءتىل عىلىمنىڭ كورنەكتى وكىلدەرى پروفەسسور  قۇرالاي  كۇدەرينوۆا مەن دوتسەنت جولداس مامبەتوۆ سىندى بەلدى وقۋتىشىلار ارنايى باياندامالارىن ازىرلەپ, تىڭدارماندارعا تۇششىمدى اقپارات بەردى.

تىڭدارماندار نازارىنا بايانداماشىلار «زاماناۋي تالاپتار كونتەكسىندەگى شەشەندىك  ونەردىڭ قىر-سىرى» جانە «جاڭا الىپبيمەن جاس ۇرپاق ساناسىن قالاي جاڭعىرتۋعا بولادى؟» سىندى تىڭ تاقىرىپتارعا وي قوزعاپ, جاڭاشىل كوزقاراستارىن ءبىلدىرىپ, تولىق باعىت-باعدار سىلتەدى.

ءىس-شارا قورىتىندىسى بويىنشا قاتىسۋشىلارعا سدۋ رەكتورى قانات قوجاحمەت ارنايى سەرتيفيكاتتار تابىستادى.