جاز ايلارىندا قالالىقتار ورماندا سەيىل قۇرعاندى قالايدى. بىراق وندا بارعان سوڭ وت جاعىپ, ونى سوندىرمەي كەتەدى دە, ورمان ءورتىنىڭ تۇتانۋىنا سەبەپكەر بولادى.
بيىل ءورت قاۋىپتى كەزەڭى باستالعالى ايماقتا 18 ورمان جانە دالا ورتتەرى ورىن الدى, سونداي-اق دالادا 105 رەت وت تۇتانعان. دەمەك, ورمانداعى ءورتتىڭ نەگىزگى سەبەبى ادام فاكتورى بولىپ تۇر. سوندىقتان ورماندا ءورت قاۋىپسىزدىگى ەرەجەسىن ساقتاۋ ماسەلەسى قازىر وتە وزەكتى بولىپ سانالادى. قوستاناي وبلىسىنىڭ توتەنشە جاعداي دەپارتامەنتى قىزمەتكەرلەرى ورمان القابىندا الدىنا الا رەيدتەر جۇرگىزىپ, ورمانشىلارمەن بىرلەسىپ جۇمىس جۇرگىزۋىنىڭ ارقاسىندا, ءورتتىڭ تۇتانۋ وشاعىن ۋاقىتىلى ايقىنداپ جانە وتتىڭ بەلەڭ الىپ كەتۋىن بولدىرمايدى.
قوستاناي وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسى جاقىندا قوستاناي قالاسىنا جاقىن ورماندى القاپتاردا كەزەكتى بىرلەسكەن رەيد وتكىزدى. دەمالۋشىلارعا ورمانداردا وت جاعۋعا جول بەرمەۋ تۋرالى اڭگىمەلەر وتكىزىلدى, ءتۇسىندىرۋ جادىنامالار تاراتىلدى.
«ورماندا وت جاعۋ قاۋىپتى» دەپ ءتۇسىندىرۋ دەمالۋشىلارعا جەتكىلىكتى بولۋى ءتيىس. بىراق كەيبىر ادامدار وسىنداي ەسكەرتۋلەردى تىڭدامايدى, تابيعي بايلىعىمىزعا جاناشىرلىق كورسەتپەيدى. سوندىقتان ولارعا ايىپپۇل سالىپ, شارا قولدانۋعا تۋرا كەلەدى» دەدى دەپارتامەنتتىڭ ءورت قاۋىپسىزدىگى سالاسىنداعى باقىلاۋ جانە پروفيلاكتيكالىق قىزمەت باسقارماسىنىڭ مەملەكەتتىك ءورت باقىلاۋ توبىنىڭ اعا ينجەنەرى, ازاماتتىق قورعاۋ لەيتەنانتى ەرلان بيسەن.
بيىل كۇن جىلىنا باستاعاننىڭ وزىندە تجد قىزمەتكەرلەرى «ورماندا ءورت قاۋىپسىزدىك ەرەجەسىن بۇزۋ» قر اقبتك 367-بابى جانە «قازاقستان رەسپۋبليكاسىنىڭ ءورت قاۋىپسىزدىك ەرەجەسىن بۇزۋ» قر اقبتك 410-بابى 1-ءبولىمى بويىنشا 6 ادامعا اكىمشىلىك حاتتاما جازعان ەندى بۇدان بىلاي ورماندا وت جاعىپ جانە كاۋاپ ءپىسىرۋ ءۇشىن مانگالدا, ءتىپتى كومىردى تۇتاندىرعانىنا ادامدارعا 5-تەن 10 ەتەك-كە دەيىنگى ايىپپۇل سالىناتىنىن دا ايتتى ەرلان بيسەن. ورمان ماڭايىندا وت جاعۋعا, دالادا قۇرعاق ءشوپتى ورتەۋگە قاتاڭ تيىم سالىنادى. ء نازيرا جارىمبەت
«ەگەمەن قازاقستان»
قوستاناي