جىل سايىن وتەتىن «مەرەيلى وتباسى» ءداستۇرلى بايقاۋىنىڭ وبلىس اۋداندارى مەن قالادارىندا ىرىكتەۋ كەزەڭى ءجۇرىپ جاتىر. قوستاناي قالاسىندا وتكەن بايقاۋدا 6 وتباسى سىنعا ءتۇستى.
بايقاۋ قورىتىندىسىندا ولاردى قوستاناي قالالىق اكىمىنىڭ ورىنباسارى ايدار حۇسايىنوۆ قۇتتىقتادى. قۋانوۆتار, زۋەۆتار جانە بوندارەۆتار وتباسىلارى كورەرمەندەردى وتباسىلىق داستۇرلەرىمەن قىزىقتىردى. ولاردىڭ بارلىعى دا ماداققا لايىق, جۇرت ۇلگى تۇتار جاندار. مىسالى, زۋەۆتار وزدەرىنىڭ وتباسىلىق مەرەيتويىن پاراشيۋتتان سەكىرىپ اتاپ ءوتتى. مۇنداي سىيلىقتى ولارعا بالالارى سىيلادى. تاربيەلى بالا ءوسىرىپ, ۇلگى كورسەتىپ وتىرعان قالعان وتباسىلار دا سىيلىقتارعا, ماراپاتقا يە بولدى.
دەگەنمەن, بايقاۋدىڭ جەڭىسپازدارى بولۋى ءتيىس.وندا ءۇشىنشى ورىندى ەسجانوۆتار وتباسى الدى. بازارباي اعا مەن اقليما اپاي 1952 جىلى وتاۋ قۇرىپ, 8 بالا تاربيەلەپ ءوسىردى. ولاردان 24 نەمەسە, 18 شوبەرە ءسۇيىپ وتىر. ەكىنشى ورىن يىپبەرگەنوۆتار وتباسىنا لايىق دەپ شەشىلدى. ەربول–وڭىرگە بەلگىلى تەلەجۋرناليست, اقجان –پەداگوگ, وڭىردەگى انالار كەڭەسىن باسقارادى. ەكەۋى بەس بالا تاربيەلەپ وتىر. ءبىرىنشى ورىندى قارجاۋوۆتار وتباسى الدى. مايرا مەن قادىردىڭ وتباسىندا مۋزىكانتتاردىڭ ءۇشىنشى ۇرپاعى ءوسىپ كەلەدى. وزدەرى وبلىستىق فيلارمونيا انشىلەرى. ەندى ولار «مەرەيلى وتباسىنىڭ» وبلىستىق بايقاۋىندا قوستاناي قالاسمى نامىسىن قورعايتىن بولادى.
ءنازيرا جارىمبەت,
«ەگەمەن قازاقستان»
قوستاناي