بۇگىن استانا ەكونوميكالىق فورۋمىنىڭ الاڭىندا باتىس قازاقستان وبلىسىنداعى مال بورداقىلايتىن ورىن جانە ەت كومبيناتىن جانداندىرۋ بويىنشا مەموراندۋمعا قول قويىلدى. بۇل جونىندە باتىس قازاقستان وبلىسى اكىمىنىڭ ءباسپاسوز قىزمەتى حابارلادى.
باتىس قازاقستان وبلىسىنىڭ اكىمى اۋىل شارۋاشىلىعىن, اسىرەسە مال شارۋاشىلىعىن دامىتۋدا ايماقتىڭ الەۋەتى وتە جوعارى ەكەنىن اتاپ ءوتتى. قول قويۋ راسىمىنە وبلىس اكىمى التاي كولگىنوۆ, «Dunbia» كومپانياسىنىڭ نەگىزىن قالاۋشىسى روبەرت دجون دوبسون ( ۇلىبريتانيا), «قازاگرو» ۇلتتىق باسقارۋشى حولدينگى» اق باسقارما توراعاسى نۇرلىبەك مالەلوۆ جانە «قازاقستان ەت وداعىنىڭ» جكزتب-ءنىڭ باس ديرەكتورى ماقسۇت باقتىباەۆ قاتىسقان. - ءبىز «Crown Batys» مال بورداقىلاۋ كەشەنىن قالپىنا كەلتىرۋ بويىنشا جۇمىس جۇرىزەتىن بولامىز. ينۆەستور ايماققا قارجى قۇيادى, ءبىز ەت جانە ەت ونىمدەر نارىعىن دامىتۋ مەن ەكسپورتقا شىعارۋ ءۇشىن بارلىق جاعداي جاسايمىز, - دەيدى التاي كولگىنوۆ.
اتالعان شارا قر اۋىل شارۋاشىلىعى مينيسترلىگىنىڭ قولداۋىمەن وتكەن.
قازبەك قۇتتىمۇرات ۇلى
«ەگەمەن قازاقستان»