استانا ەكونوميكالىق فورۋمىندا اۆستريانىڭ بۇرىنعى كانتسلەرى الفرەد گۋزەنباۋەر ورتالىق ازيادا وسى كۇنگە دەيىن قارجى ورتالىعىنىڭ بولماعانىن ايتتى.
"ەڭ الدىمەن, قارجى ورتالىعى كەرەمەت يدەيا ەكەنىن ايتقىم كەلەدى. سەبەبى وسى كۇنگە دەيىن ورتالىق ازيادا قارجى ورتالىعى بولعان ەمەس. دەگەنمەن, وعان دەگەن قاجەتتىلىك ۇنەمى بولدى. الەمنىڭ كەز كەلگەن تۇكپىرىندەگى مەملەكەت دامۋدى ماقسات ەتسە, قارجى ورتالىعىن قۇرۋى كەرەك دەپ ويلايمىن. نەگىزىنەن, قارجى ورتالىقتارى ايماقتاعى ەڭ ءىرى مەملەكەتتەردە ەمەس, شاعىن ەلدەردە بولادى", دەدى ول. ءوز سوزىندە الفرەد گۋزەنباۋەر قازاقستان گەوگرافيالىق تۇرعىدا جاقسى ورنالاسقانىن ءساتتى پايدالانىپ, ءوزىن جاقسى قىرىنان كورسەتە بىلگەنىن ايتتى. ء"بىز بارلىق ءوڭىر ءۇشىن قىزمەت ۇسىنۋشىمىز. سوندىقتان نەگىز رەتىندە جالپىەۋروپالىق قۇقىق ەنگىزۋ يدەياسى دۇرىس دەپ ويلايمىز. بۇل قارجى نارىعىنا حالىقارالىق قاتىسۋشىلاردى تارتۋعا مۇمكىندىك بەرەدى. ال كوپتەگەن زاڭدى تۇلعالار وزدەرى ۇيرەنگەن ورتاعا, تۇراقتى ورتاعا بارعاندى ءجون سانايدى. وسى رەتتى قازاقستاننىڭ مۇمكىندىگى زور دەپ ايتا الامىن جانە بارلىعى ءساتتى بولاتىنىنا سەنىمدىمىن", دەدى ول.