جاڭاارقا اۋدانىنىڭ ورتالىعى اتاسۋ كەنتىنىڭ مادەنيەت ۇيىندە قوعام قايراتكەرى, «رۋحاني جاڭعىرۋ» جوبالىق كەڭسەسىنىڭ قاراعاندى وبلىسى بويىنشا باس مەنەدجەرى باقىتقالي مۇسابەكوۆتىڭ ادەبي-تانىمدىق كەشى ءوتتى. قاراعاندى وبلىسىنىڭ ىشكى ساياسات باسقارماسىنىڭ, ازاماتتىق اليانستىڭ وبلىستىق بولىمشەسىنىڭ جانە جاڭاارقا اۋدانى اكىمدىگىنىڭ قولداۋىمەن, «رۋحاني جاڭعىرۋ» باعدارلاماسىنىڭ اياسىندا ۇيىمداستىرىلعان شارا «قازاقتىڭ بي-شەشەندەرىنىڭ مۇراسى» تاقىرىبىنا ارنالدى.
قازاقتىڭ اۋىز ادەبيەتىن قالىپتاستىرۋعا شەشەندىك ونەردىڭ ولشەۋسىز ۇلەس قوسقانى ءسوزسىز. وسكەلەڭ ۇرپاق ەل تاريحىنداعى ايگىلى شەشەندەر تۋرالى, ولاردان قالعان اسىل مۇرانى ءبىلۋى ءتيىس.
– ءبىزدىڭ ماقساتىمىز – حالقىمىزدىڭ اۋزى دۋالى بي-شەشەندەرىنەن قالعان رۋحاني مۇرانى ۇرپاقتان ۇرپاققا جەتكىزۋ. ەلباسى ن.نازارباەۆ ءوزىنىڭ قوعامدىق سانانى جاڭعىرتۋ تۋرالى باعدارلامالىق ماقالاسىندا باستى شارت – ءوز مادەنيەتىمىزدى, وزىندىك ۇلتتىق كودىمىزدى ساقتاپ قالۋ ەكەنىن اتاپ ايتقان بولاتىن. وسى ماقساتتا ءبىز جەر-جەردە جاستارمەن كەزدەسۋلەر ۇيىمداستىرىپ, رۋحاني ماسەلەلەرگە ارنالعان تاقىرىپتاردى قوزعاپ ءجۇرمىز, – دەيدى «رۋحاني جاڭعىرۋ» جوبالىق كەڭسەسىنىڭ باس مەنەدجەرى باقىتقالي مۇسابەكوۆ.
كەزدەسۋ بارىسىندا ول تىڭداۋشىلارعا قازاق حالقىنىڭ مايقى بي مەن اياز بيدەن ء(حىى-ءحىىى ع.ع.) باستاپ, تولە, قازىبەك, ايتەكە بيلەرگە دەيىنگى شەشەندىك ونەر مەكتەبىنىڭ تاريحىنان اڭگىمە شەرتتى. ءدارىستىڭ بارىسىندا 20 بي-شەشەن, ولاردىڭ باي مۇراسى تۋرالى ساليقالى اڭگىمەلەر ايتىلدى.
جاس بۋىن ءۇشىن تاربيەلىك ءمانى زور كەشتەر بۇعان دەيىن وبلىستىڭ وساكاروۆ, نۇرا جانە بۇقار جىراۋ اۋداندارىندا ۇيىمداستىرىلعان بولاتىن.
– مۇنداي كەزدەسۋلەر تەك جاستار ءۇشىن عانا ەمەس, بارشا حالىق ءۇشىن پايدالى. بۇگىن ءبىز كوپ ماعلۇمات الدىق, كوپ نارسەنى بىلدىك, – دەيدى جاڭاارقا اۋدانى ارداگەرلەر ۇيىمىنىڭ مۇشەسى, زەينەتكەر شاھيزادا ءابىلدين. – «رۋحاني جاڭعىرۋ» سەكىلدى باعدارلامالار جاستارىمىزدىڭ ەل مەن جەردىڭ تاريحىن ۇمىتپاۋى ءۇشىن وتە قاجەت.
تاربيەلىك مازمۇنعا قۇرىلعان تانىمدىق كەشتەر ودان ءارى جالعاسا بەرەدى.
قايرات ءابىلدا,
«ەگەمەن قازاقستان»
قاراعاندى وبلىسى