اقتوبەدە ەلوردانىڭ 20 جىلدىعىنا ارنالعان اقتوبە وبلىسىنداعى استانانىڭ مادەني كۇندەرى شەڭبەرىندەگى ءىس-شارالار باستاۋ الدى. استانا اكىمىنىڭ ورىنباسارى ەرمەك امانشاەۆ باستاعان توپ اقتوبە وبلىسىنداعى ينۆەستيتسيالىق جوبالار كورمەسىمەن تانىسىپ, «استانا – اقتوبە وبلىسى اراسىنداعى ايماقارالىق ىنتىماقتاستىق» تاقىرىبىندا وتكەن بيزنەس-فورۋمعا قاتىستى, دەپ حابارلايدى ەلوردا اكىمدىگىنىڭ رەسمي سايتى.
فورۋم بارىسىندا ىسكەرلىك ورتا وكىلدەرى, دامۋ جانە مەملەكەتتىك ورگاندار ينستيتۋتى كاسىپكەرلىكتى قولداۋعا باعىتتالعان ايماقتىق باعدارلامالاردى, ينۆەستيتسيالىق مۇمكىندىكتەردى, ءمجا جوبالارىن, Smart City تۇجىرىمداماسىن, ەكونوميكانى تسيفرلاندىرۋعا قاتىستى يننوۆاتسيالىق شەشىمدەردى, قىزمەت كورسەتۋ سالاسىن دامىتۋ, بيزنەستى دامىتۋداعى تسيفرلىق ماركەتينگ ءرولىن تالقىعا سالدى.
جيىن قورىتىندىسى بويىنشا ايماقارالىق ىنتىماقتاستىقتى دامىتۋ, وڭىرلەردىڭ باسەكەگە قابىلەتتىلىگىن ارتتىرۋ جونىندەگى كەلىسىمدەر جاسالدى. ءتيىستى كەلىسىمشارتتار استانا جانە اقتوبە وبلىستارىنىڭ اكىمدىكتەرى اراسىندا بەكىتىلدى.
بۇدان باسقا, تاۋار وندىرۋشىلەر مەن وڭىرلەردى دامىتۋ ينستيتۋتتارى اراسىندا ءوزارا ىنتىماقتاستىق جونىندەگى 9 مەموراندۋمعا قول قويىلدى. دالىرەك ايتقاندا, ولاردىڭ اراسىندا ايماقارالىق ىنتىماقتاستىقتى دامىتۋ, وڭىرلەردىڭ باسەكەگە قابىلەتتىلىگىن ارتتىرۋ بويىنشا ىنتىماقتاستىق تۋرالى, ««استانا» اكك ۇك» اق مەن «ايس-پليۋس» جشس اراسىنداعى ءوزارا ءتۇسىنىسۋ جانە استانا قالاسىنىڭ «شاپاعات» كوممۋنالدى بازارىنا ازىق-ت ۇلىك تاۋارلارىنىڭ جەتكىزىلىمى بويىنشا ىنتاماقتاستىق تۋرالى, ««استانا» اكك ۇك» اق مەن «ەكوتون-باتىس» جشس اراسىنداعى ءوزارا ءتۇسىنىسۋ جانە استانا قالاسىنا قۇرىلىس ماتەريالدارىنىڭ جەتكىزىلىمى بويىنشا ىنتاماقتاستىق تۋرالى, ««استانا» اكك ۇك» اق مەن «سترويدەتال» جشس اراسىنداعى ءوزارا ءتۇسىنىسۋ جانە استانا قالاسىنا قۇرىلىس ماتەريالدارىنىڭ جەتكىزىلىمى بويىنشا ىنتاماقتاستىق تۋرالى, «كوركەم تەلەكوم» جشس (استانا ق-سى) مەن «اقتوبە قالاسى تۇرعىن-ءۇي كوممۋنالدىق شارۋاشىلىعى ءبولىمى» مم اراسىنداعى ءوزارا ءتۇسىنىسۋ جانە «سەرگەك» اتتى جقە-ءىن بۇزۋ وقيعالارىن فوتو جانە بەينە كامەرالار ارقىلى تىركەۋدىڭ اۆتوماتتى جۇيەسىنىڭ اقتوبە قالاسىندا ەندىرىلۋى بويىنشا ىنتىماقتاستىق تۋرالى, «LED Solution» جشس (استانا ق-سى) مەن «اقتوبە قالاسى تۇرعىن-ءۇي كوممۋنالدىق شارۋاشىلىعى ءبولىمى» مم اراسىنداعى ءوزارا ءتۇسىنىسۋ جانە اقتوبە قالاسىنداعى كوشەلەردىڭ جارىقتاندىرىلۋىن جاساندى اقىلمەن باسقارۋعا ارنالعان Smart City جۇيەسىنىڭ ەندىرىلۋى بويىنشا ىنتاماقتاستىق تۋرالى, «استانا Innovations» اق مەن «اقتوبە قالاسى تۇرعىن-ءۇي كوممۋنالدىق شارۋاشىلىعى ءبولىمى» مم اراسىنداعى ءوزارا ءتۇسىنىسۋ جانە «ە-پيك» ەلەكتروندى جۇيەسىنىڭ اقتوبە قالاسىنا ەندىرۋ مۇمكىندىكتەرىن زەرتتەۋدەگى ىنتىماقتاستىق تۋرالى, «استانا Innovations» اق مەن «GIGANT KZ» جشس اراسىنداعى ءوزارا ءتۇسىنىسۋ جانە استانا قالاسىنا قالپىنا كەلتىرىلگەن اۆتوكولىك شينالارىنىڭ جەتكىزىلىمى بويىنشا ىنتىماقتاستىق تۋرالى, «استانا Innovations» اق مەن «Talan Technology» جشس اراسىنداعى ءوزارا ءتۇسىنىسۋ جانە استانا قالاسىنا رەزەڭكە ونىمدەردىڭ جەتكىزىلىمى بويىنشا ىنتىماقتاستىق تۋرالى مەموراندۋمدار بار.