جاڭاقورعاندا مالشىلار سلەتى ءوتتى

جيىنعا قازاقستان رەسپۋبليكاسى اۋىل شارۋاشىلىعى مينيسترلىگىنىڭ, اۋىل شارۋاشىلىعى قىزمەتكەرلەرىنىڭ سالالىق كاسىپتىك وداعىنىڭ, «قازاگرو» ۇلتتىق باسقارۋشى حولدينگىنىڭ باسشىلارى, رەسپۋبليكامىزدىڭ بەلگىلى عالىمدارى, رەسپۋبليكالىق پالاتالار مەن اتىراۋ, اقتوبە, باتىس قازاقستان, جامبىل, قاراعاندى, وڭتۇستىك قازاقستان وبلىستارىنىڭ وكىلدەرى قاتىستى.

ەلباسىمىز ءبىر سوزىندە «بىز باسقا مەملەكەتتەرمەن «بوينگ» ۇشاعى, «مەرسەدەس» كولىگى سياقتى كەرەمەتتەرىمىزبەن جارىسا المايمىز. ونىڭ ەسەسىنە قازاقستاندا اۋىل شارۋاشىلىعىن وركەندەتۋگە مول مۇمكىندىك بار» دەگەن. ياعني, قازاقستاننىڭ الەمدىك نارىققا باۋ-باقشا ونىمدەرىنەن بولەك, ءتورت ت ۇلىك مالدى ءوسىرىپ ەكسپورتقا شىعارۋعا جاعدايى ابدەن جەتەدى. كەيىنگى جىلدارى قىزىلورداداعى مالشىلار سلەتىنە وزگە وبلىستان وكىلدەر ءجيى قاتىساتىن بولدى. وسىنى ەسكەرگەن وبلىس اكىمى قىرىمبەك كوشەرباەۆ كەلەر جىلى وبلىستا ءبىرىنشى رەسپۋبليكالىق جيىن وتكىزۋگە ۇسىنىس ءبىلدىردى.

- قازىرگى تاڭدا مەملەكەت باسشىسىنىڭ تاپسىرماسىنا سايكەس ۇكىمەت تاراپىنان مال شارۋاشىلىعىن دامىتۋ ءۇشىن قىرۋار قوسىمشا شارالار قاراستىرىلۋدا. وسى ورايدا, جىل سايىن وبلىستىق مالشىلار سلەتىنە باسقا وڭىرلەردەن قاتىسۋشىلاردىڭ سانى ارتىپ كەلە جاتقانىن ەسكەرە وتىرىپ, ۇكىمەتكە, اۋىل شارۋاشىلىعى مينيسترلىگىنە كەلەر جىلى ءبىزدىڭ وبلىستا ء«بىرىنشى رەسپۋبليكالىق مالشىلار سلەتىن» وتكىزۋدى ۇسىنامىن. ۇسىنىستى اۋىل شارۋاشىلىعى مينيسترلىگى, قاتىسىپ وتىرعان وڭىرلەردىڭ جانە رەسپۋبليكالىق پالاتا وكىلدەرى قولدايدى دەپ ويلايمىن», - دەدى قىرىمبەك ەلەۋ ۇلى.

جيىنعا قاتىسقاندار بۇل ۇسىنىسقا قولداۋلارىن ءبىلدىردى.

باقتيار تايجان,

«ەگەمەن قازاقستان»