استانا قالاسىنىڭ 20 جىلدىعى مەن «شەلل» كومپانياسىنىڭ قازاقستانداعى 25 جىلدىعىنا ارنالعان شاعىن فۋتبولدان بۇقارالىق اقپارات قۇرالدارى وكىلدەرى جانە مۇناي-گاز سالاسى ماماندارى اراسىندا «ELORDA-2018» ءتۋرنيرى وتەدى.
تۋرنير «شەلل قازاقستان» كومپانياسى مەن استانا قالاسى اكىمدىگىنىڭ قولداۋىمەن ۇيىمداستىرىلادى. جارىس 2018 جىلدىڭ 9 ماۋسىمىندا «استانا ارەنا» ستاديونىندا وتەدى.
«ELORDA-2018» ءتۋرنيرى باق وكىلدەرى مەن مۇناي-گاز سالاسى ماماندارى اراسىنداعى ىنتىماقتاستىقتى نىعايتۋعا باعىتتالعان.
تۋرنير – قايىرىمدىلىق ءىس-شاراسى. مۇناي-گاز سالاسىنىڭ وكىلدەرى جارىسقا قاتىسۋ ءۇشىن جارنا قوسادى. مۇناي-گاز كومپانيالارىنان جينالعان قاراجات 2019 جىلى ناۋرىزدا ءباا-دە وتەتىن دۇنيەجۇزىلىك جازعى وليمپيادا ويىندارىنا مۇمكىندىگى شەكتەۋلى جاسوسپىرىمدەردەن قۇرالعان شاعىن فۋتبولدان قازاقستاننىڭ جاستار قۇراماسىنىڭ دايىندىعى ءۇشىن «سپەشيال وليمپيكس قازاقستان» ۇيىمىنا اۋدارىلادى.
باق وكىلدەرى مەن مۇناي-گاز سالاسى ماماندارى اراسىنداعى باسەكەنى «Elorda Aqparat» مەدياكومپانياسى ۇيىمداستىرىپ وتىر.