شىمكەنتتە توقىما ونەركاسىبىنە ارنالعان, كورشى وزبەكستان ەلىمەن بىرلەسە ۇيىمداستىرىلعان كورمە وتۋدە.
«وڭتۇستىك قازاقستان-وزبەكستان» كورمەسىنە كيىم جانە تەرىدەن جاسالعان ونىمدەر, فارماتسەۆتيكا, جيھاز, سۋۆەنيرلەر, سپورتتىق تاۋارلار مەن ويىنشىقتار وندىرەتىن وڭتۇستىكقازاقستاندىق جانە وزبەكستاندىق 60-قا جۋىق كاسىپورىن قاتىسۋدا. كورمە جۇمىسىمەن تانىسقان وبلىس اكىمى ج.تۇيمەباەۆ ەكى ەلدىڭ ءوزارا ىنتىماقتاستىق قارىم-قاتىناسىنىڭ جانە ساۋدا - ەكونوميكالىق بايلانىسىنىڭ بۇدان ءارى دامي تۇسەتىنىنە سەنىم ءبىلدىردى. بۇگىنگى تاڭدا وڭتۇستىك قازاقستان وبلىسىنداعى مىڭنان استام كاسىپورىندار مەن مەكەمەلەر ساۋدا, ونەركاسىپ, اۋىل شارۋاشىلىعى, قۇرىلىس جانە قۇرىلىس ماتەريالدارى, مەديتسينا جانە ءبىلىم سالاسىندا وزبەكستان كاسىپكەرلەرىمەن ىنتىماقتاستىق ورناتقان. كورمە جۇمىسى ەكى كۇنگە سوزىلماق. سونداي-اق, وڭىردە وزبەكستاننىڭ قازاقستانداعى كۇندەرى اياسىندا جوسپارلانعان ءىس-شارالار شەڭبەرىندە كاسىپكەرلەر مەن ينۆەستورلاردىڭ قاتىسۋىمەن «ايماقتىق ىنتىماقتاستىق جانە ينتەگراتسيا: وتكىزۋ نارىعىن كەڭەيتۋ ارقىلى ەكى ەلدىڭ كاسىپكەرلەرىنىڭ باسەكەگە قابىلەتتىلىگىن ارتتىرۋ» اتتى عىلىمي-تاجىريبەلىك دوڭگەلەك ۇستەل ۇيىمداستىرىلماق.
ايتا كەتەلىك, وتكەن جىلدىڭ قورىتىندىسى بويىنشا وزبەكستانمەن سىرتقى ساۋدا اينالىم كولەمى 2,0 ملرد. اقش دوللارىنا جەتسە, ونىڭ 30 پايىزى وڭتۇستىك قازاقستان وبلىسىنا تيەسىلى. ياعني, 2017 جىلدىڭ قورىتىندىسى بويىنشا وزبەكستانمەن سىرتقى تاۋار اينالىم 16,8 پايىزعا ارتىپ, 622,6 ملن. اقش دوللارىن قۇرادى. ونىڭ ىشىندە ەكسپورت كولەمى – 252,8 ملن. اقش دوللارى, يمپورت – 369,8,8 ملن. اقش دوللارى بولدى.
ەركىن دوسىمباي,
وڭتۇستىك قازاقستان وبلىسى