ءتۋرنيردى اتىراۋلىقتار ح. دوسمۇحامەدوۆ اتىنداعى ۋنيۆەرسيتەتتىڭ ستاديونىندا تاماشالايدى, دەپ xابارلايدى اتىراۋ وبلىستىق وڭىرلىك كوممۋنيكاتسيالار قىزمەتى.
جارىستا اۋداندىق جارىستاردان ىرىكتەلگەن ۇزدىك 16 پالۋان ءوزارا مىقتىنى انىقتايدى.
«بيىلعى اتىراۋ بارىسى ءتۋرنيرى وزگەشە, جاڭاشىل فورماتتا وتەدى. ءبىز سپورتتىق كەشەندەردىڭ ىشىندە وتەتىن جارىستاردى, اسىرەسە بەلدەسۋ تۇرلەرىن كوپ كورەتىنبىز. بۇل جولى ۇلتتىق سپورتىمىزدى ۇلتتىق ناقىشتا, اشىق اسپان اياسىندا ەرەكشە ەتىپ ۇيىمداستىرۋدى قولعا الىپ وتىرمىز», - دەيدى اتىراۋ وبلىسى دەنە شىنىقتىرۋ جانە سپورت باسقارماسىنىڭ باسشىسى ازامات بەكەت.
جارىس بۇگىن, ياعني 5 مامىر كۇنى ساعات 18:00-دە باستالادى.
ءتۋرنيردىڭ جەڭىمپازدارى مەن جۇلدەگەرلەرى بەلبەۋ جانە باعالى سىيلىقتارمەن ماراپاتتالادى. جارىستىڭ چەمپيونى اتانىپ «اتىراۋ بارىسى-2018» بەلبەۋىنە يە بولعان پالۋان جانە ەكىنشى ورىن العان سپورتشىلار رەسپۋبليكالىق «كازاقستان بارىسى-2018» تۋرنيرىنە جولداما الادى.
ايتا كەتۋ كەرەك, «قازاقستان بارىسى» جوباسى باستالعالى بەرى اتىراۋلىق بالۋانداردان ەڭ ۇزدىك ناتيجەنى «جاس قىران» اتتى لاقاپ اتىمەن تانىمال ارمان قاليەۆ كورسەتكەن بولاتىن. ول بىلتىرعى باسەكەدە ۇزدىك تورتتىكتى تۇيىندەدى.