بىرلىك پەن كەلىسىم ايشىقتالعان كۇن

بەيبىتشىلىك پەن بەرەكەنىڭ سالتانات قۇرعان تويىنا مەملەكەت باسشىسى نۇرسۇلتان نازارباەۆ تا قاتىسىپ, قازاقستان حالقىنىڭ بىرلىگى كۇنىنە ارنالعان مەرەكەلىك كونتسەرتتى تاماشالادى.

«قازاق ەلى» مونۋمەنتى ال­دىن­داعى الاڭدا نۇرسۇلتان نازار­باەۆتى قازاقستان حالقى اسسام­بلەياسىنىڭ ەتنومادەني ورتالىقتارىنىڭ وكىلدەرى وز­دەرىنىڭ ۇلتتىق ءداستۇرىن كورسەتىپ, ءان ايتىپ, بي بيلەپ قارسى الدى.

ەلباسى بارشا قازاق­ستان­دىقتاردى جانە شاراعا قاتى­سۋشىلاردى مەملەكەتتىك مەرەكەمەن قۇتتىقتادى.

– بارشاڭىزدى ورتاق مەيرامىمىز – قا­­زاقستان حالقىنىڭ بىرلىگى كۇنىمەن قۇت­­­تىقتايمىن. بىرلىكتىڭ ارقاسىندا ءبىز تاۋەل­سىز مەملەكەت بولا بىلدىك. ءبىزدىڭ بىرلى­گىمىزدى بارلىق ۇلىستار دارىپتەپ وتىر. بىزگە الەمنىڭ تۇكپىر-تۇكپىرىنەن كوپ ۇلتتى مەم­لە­كەت­تى قالاي قۇرۋ كەرەك ەكەنىن ۇيرەنۋ ءۇشىن كەلە­تىن­دەر بار, – دەدى قازاقستان پرەزيدەنتى.

مەملەكەت باسشىسى ەلىمىز ايتۋلى جەتىستىكتەرگە كوپ ۇلتتى قا­زاقستان حال­قىنىڭ بىرلىگى مەن دوس­تىعىنىڭ ارقاسىندا قول جەتكىز­گەنىن اتاپ ءوتتى.

– بىرلىگىمىزدىڭ ارقاسىندا ءبىز وزىق دامىعان 30 ەلدىڭ قا­تارى­نا قوسىلۋ جانە حالىقتىڭ ءال-اۋ­قا­تىن ارتتىرۋ ءۇشىن وزىمىز­گە جاۋاپكەرشىلىك جۇك­تەدىك. حال­­قى­­مىز­دىڭ بەرەكە-بىر­لىگى­نىڭ ارقا­سىندا مەن ءاربىر قازاق­ستان­دىقتىڭ ءومىر ءسۇرۋ جاعدايىن جاقسارتۋعا باعىتتالعان «پرەزي­دەنت­تىڭ بەس الەۋمەتتىك باستاماسىن» جاريا ەتتىم, – دەدى نۇرسۇلتان نازارباەۆ.

ەلباسى مەملەكەتتىڭ بۇگىنگى جەتىس­تىكتەرىن ەلدەگى بىرلىك پەن تاتۋلىقتىڭ جەمىسى دەپ باعالاي وتىرىپ, حالىقتىڭ ءال-اۋقاتىن كوتەرۋگە باعىتتالعان باستامالار ەلدىڭ دامۋىنا سەرپىن بەرەتىندىگىنە سەنىم ءبىلدىردى.

بارشامىزعا ورتاق باقىتتى قورعاي ءبىلۋىمىز كەرەكتىگىن ەسكەرتكەن پرەزيدەنت, توتاليتارلىق رەجىم كەزىندە قازاق دالاسىنا ءبىرسىپىرا ەتنوستاردىڭ كۇشپەن كوشىرىلگەندىگىن, الايدا جەرگىلىكتى حالىق – قازاقتىڭ تەرەڭ قۇرمەتىنىڭ ارقاسىندا ولاردىڭ امان قالعاندىعىن اتاپ ءوتتى. بۇگىندە سول قۋعىندالعان بۋىننىڭ ۇر­پاعى  قازاق حالقىمەن قولتىقتاسا ەڭسەسىن كو­تەرىپ, مەملەكەت قۇرۋعا اتسالىسىپ, ەل دامۋىنا ءوز ۇلەستەرىن قوسۋدا.  

سوڭىندا قازاقستان پرەزيدەنتى بارشا جۇرتتى مەرەكەمەن قۇتتىقتاپ, وسكەلەڭ ۇرپاقتىڭ بولاشاعىنىڭ جارقىن بولۋىنا نيەتتەستىك ءبىلدىرىپ, ءار وتباسىنا باق-بەرەكە مەن اماندىق تىلەدى.

– ءبىز ەلىمىزدەگى الۋان ءتۇرلى مادە­نيەت­تەردىڭ, بارلىق تىلدەر مەن داستۇر­لەردىڭ ءبارى دە وركەندەپ كەلە جاتقانىن كورىپ وتىرمىز. ءبىز – ءبىرتۇتاس حالىق­پىز, ءبىر-ءبىرىمىزدى قۇرمەتتەيمىز ءارى جاق­سى كورەمىز, ورتاق كونستيتۋتسيا مەن زاڭ­دارعا باعىنامىز. ءبىر-ءبىرىمىزدى قۇرمەت­تەپ, دوستىق قارىم-قاتىناستا بولۋ – زور باقىت. وسى بىرلىگىمىزدى ساقتاپ, باقى­تى­مىز­دىڭ قادىرىن بىلەيىك! – دەدى نۇرسۇلتان نازارباەۆ.

ەلباسىنىڭ ساليقالى ساياساتىنىڭ ارقاسىندا قازاقستان حالقىنىڭ تىلەگى دە, جۇرەگى دە – ءبىر, مۇراتى ايقىن, ورتاق ماق­ساتقا ۇمتىلعان جاسامپاز ەلگە اينالدى.

بۇل سوزدەردى ماجىلىسكە قازاقستان حالقى اسسامبلەياسىنان سايلانعان تو­عىز دەپۋتاتتىڭ ءبىرى – نارينە مي­كاە­ليان راستاي ءتۇستى. ول قازاقستان حال­قى اس­سامبلەياسى ححVI سەسسياسىنان ال­عان اسەرىمەن دە ءبولىسىپ, بارشا قا­زاق­­ستان­دىق­تاردى ايتۋلى مەرەكەمەن قۇت­تىق­تادى.

– قازاقستان حالقى بىرلىگى كۇنىمەن شىن جۇرەكتەن قۇتتىقتايمىن. ەڭ ىزگى, ەڭ جارقىن, بارشا حالىقتى ۇيىستىراتىن ۇلىق مەرەكە ىنتىماقتىڭ كيەلى بەسىگى – استانا قالاسىندا ەرەكشە تويلانىپ جاتىر. ۇلى دالا ەلى بۇگىن ەرەكشە كۇيگە بولەندى. كەشەگى وتكەن اسسامبلەيا سەسسياسى مازمۇندى, ماعىنالى بولىپ, مەملەكەت باسشىسى بىزدەرگە تاپسىرما جۇكتەدى. ەندى «پرەزيدەنتتىڭ بەس الەۋمەتتىك باستاماسىن» جۇزەگە اسى­رۋعا كۇش قوسىپ, ونى حالىق اراسىندا ناسيحاتتاپ, زاڭدىق نەگىزىن قالىپتاستىرۋعا ۇلەسىمىزدى ايانبايمىز. حالىقتىڭ ءال-اۋقاتىن كوتەرۋگە باعىتتالعان اۋقىمدى باستامالاردىڭ قىسقا مەرزىمدە ءارى ساپالى ورىندالۋىنا مۇددەلىمىز. وسى ماقسات بۇگىنگى مەرەكەنىڭ دە شىرايىن كەلتىرىپ تۇر. اسپانىمىز ءاردايىم اشىق بولسىن, حالىقتىڭ ءال-اۋقاتى ارتا بەرسىن! – دەدى ن. ميكاەليان.

ايتۋلى شارانىڭ كونتسەرتتىك باع­دار­لاماسى دا ايرىقشا بولدى. اسەم بەزەن­دىرىلگەن ساحناعا ءار ەتنوس وكىلدەرى وز­دەرىنىڭ ۇلتتىق كيىمدەرىمەن جارقىراپ شىقتى.

قوناقتار ەڭ الدىمەن ەلوردالىق ۇلتتىق مادەني بىرلەستىكتەردىڭ شىعارماشىلىق ۇجىمدارىنىڭ, استانا قالاسى مەملەكەتتىك اكادەميالىق فيلارمونياسى ارتىستەرىنىڭ جانە ەسترادا جۇلدىزدارىنىڭ قاتىسۋىمەن «رۋحاني جاڭعىرۋ – بىرلىك پەن تۇتاستىق نەگىزى» اتتى تەاترلاندىرىلعان قويىلىمدى تاماشالادى.

كونتسەرتتىك باعدارلامانى «تۋرەتسكي حورىنىڭ» «پرازدنيك پەسني» ءان كەشى جالعاستىرىپ, ەرلەر ۇجىمىمەن بىرگە ساحنا تورىندە «تۋرەتسكيدىڭ» SOPRANO ايەلدەر توبى ونەر كورسەتتى. ودان كەيىن ساحنا تورىندە قازاقستان حالقى اسسامبلەياسىنىڭ ەتنومادەني بىرلەستىكتەرى مەرەكەگە ءان-شاشۋلارىن ارنادى.

كونتسەرتتەن كەيىن جينالعان جۇرت سپورتتىق ويىنداردى تاماشالادى. «قازاق ەلى» مونۋمەنتىنىڭ الدىنداعى الاڭدا قازاق كۇرەسى, ارقان تارتىس, اسىق اتۋ, گىر تاسىن كوتەرۋ جانە قول كۇرەس سىندى ۇلتتىق سپورت تۇرلەرىنەن جارىس­تار وتكىزىلىپ, وعان قالا تۇرعىندارى دا قاتىسىپ, مەرەكە مازمۇنىن ونان سايىن بايىتا ءتۇستى.

مامىراجاي مامىردىڭ العاشقى كۇنى استانادا مەرەكەلىك ءىس-شارالار كوپ بولدى. ءتۇس الەتىندە «بايتەرەك» مونۋمەنتىنىڭ الدىنداعى الاڭدا «دوستىق شەرۋى» اتتى ۆەلوشەرۋ بولدى. سونىمەن قاتار 500 دومبىراشىدان قۇرالعان « ۇلى دالا ءۇنى» اتتى فلەشموب ۇيىمداستىرىلىپ, قالا تۇرعىندارىنا ەرەكشە مەرەكەلىك كوڭىل-كۇي سىيلادى. بۇلاردان بولەك قالانىڭ كىتاپحانالارىندا, مۋزەيلەرىندە, تەاتر­لارىندا جانە باسقا دا مادەنيەت مەكەمەلەرىندە بىرلىك پەن دوستىق مەرەكەسىنە ارنالعان تاقىرىپتىق كورمەلەر, قويىلىمدار مەن كونتسەرتتەر وتكىزىلدى.

سەرىك ابدىبەك,

«ەگەمەن قازاقستان»